قازاقستاندىق جاس رەجيسسەردىڭ «دومبىرا» فيلمى حالىقارالىق فەستيۆالدە ۇزدىك بولدى

None
None
 الماتى. قازاقپارات- قازاقستاندىق جاس رەجيسسەر رامازان حاليوللانىڭ «دومبىرا» فيلمى نيۋ- دەلي قالاسىندا وتكەن 8- حالىقارالىق قىسقامەتراجدى فيلمدەر كينوفەستيۆالىندە (Delhi Shorts International Film Festival) جۇلدەلى بولدى، دەپ حابارلايدى قازاقپارات ءتىلشىسى.

«قازاقفيلم» ا ق- نىڭ باسپا ءسوز قىزمەتىنەن ءمالىم ەتكەندەي، كارتينا «ۇزدىك فيلم» اتالىمىندا جەڭىمپاز اتاندى.

ق ر مادەنيەت جانە سپورت مينيسترلىگىنىڭ تاپسىرىسى بويىنشا، ش. ايمانوۆ اتىنداعى «قازاقفيلم» ا ق- نىڭ «دەبيۋت» شىعارماشىلىق- وندىرىستىك بىرلەستىگى تۇسىرگەن كينوفيلم دومبىرانىڭ قۇلاعىندا ويناپ، ۇلكەن ساحنادا ونەر كورسەتۋدى ارمانداعان اسەت ەسىمدى بالانىڭ ءومىرىن باياندايدى.

ايتا كەتسەك، اتالعان تۋىندى بيىل الماتىدا وتكەن «Baiqonyr ISFF» IV حالىقارالىق كينوفەستيۆالىنىڭ كونكۋرستان تىس باعدارلاماسىندا كورسەتىلىپ، «برودۆەيدىڭ تاڭداۋى» سىيلىعىن الدى.

نيۋ- دەليدەگى DSIFF حالىقارالىق كينوفەستيۆالى العاش رەت 2012 -جىلى وتكەن بولاتىن. ۇيىمداستىرۋشىسى - Miniboxoffice ءۇندى كومپانياسى. بيىل فەستيۆالدىڭ حالىقارالىق قازىلار القاسىن يسپان رەجيسسەرى ۆيكتور مانۋەل لوپەسمۋنوس باسقاردى. سونىمەن قاتار، قازىلار القاسى قۇرامىندا: پروديۋسەر ۆيكتوريا سيل (جاپونيا) ، رەجيسسەر راكەل رۋيز (ارگەنتينا) ، رەجيسسەر پراشانت سەگال ء(ۇندىستان) بولدى.

رامازان حاليوللا 1994 -جىلى 15 - مامىردا قاراعاندى وبلىسى، بالحاش قالاسىندا دۇنيەگە كەلگەن. 2012-2017 -جىلدار ارالىعىندا نۇرسۇلتان قالاسىنداعى قازاق ۇلتتىق ونەر ۋنيۆەرسيتەتىندە «رەجيسسەر، كينو جانە تەلەارنا پروديۋسسەرى» ماماندىعى بويىنشا وقىعان.

سوڭعى جاڭالىقتار