عارىش تاريحىندا العاش رەت ءبىر ۋاقىتتا ەكى ايەل اشىق كەڭىستىككە شىقتى

نۇر-سۇلتان. قازاقپارات -  تاريحتا العاش رەت حالىقارالىق عارىش ستانتسياسى بورتىنان ءبىر ۋاقىتتا ەكى ايەل اشىق كەڭىستىككە شىقتى.

امەريكالىق عارىشكەرلەر كريستينا كۋك پەن دجەسسيكا مەير ستانتسياداعى بۇزىلعان سىرتقى ەگەرگوبلوكتى اۋىستىرۋ ءۇشىن 6,5 ساعات عارىشتا جۇمىس ىستەگەن. كريستينا كۋك وسىمەن عارىش كەڭىستىگىنە 4-رەت شىعىپ وتىر. ال دجەسسيكا مەير العاش رەت شىققان. ەكى ايەل عارىشكەردىڭ كەڭىستىككە شىعۋى ناۋرىز ايىندا جۇزەگە اسۋ كەرەك ەدى. سول ۋاقىتتا كۋك پەن بىرگە ەنن ماككلەين بىرلەسىپ جۇمىس ىستەۋ جوسپارلانعان بولاتىن. ءبىراق ماككلەينگە ساي كەلەتىن سكافاندر حالىقارالىق عارىش ستانتسياسىندا جوق بولعان. ايتا كەتەيىك، وسىعان دەيىن 14 ايەل عارىشكەر اشىق كەڭىستىككە شىققان. ونى العاش رەت ك س ر و عارىشكەرى سۆەتلانا ساۆيتسكايا 1984 -جىلى جۇزەگە اسىرعان.

Massaget.kz