+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

عالىمدار بەكىتىلمەگەن لاتىن قارپىندە جازا باستاعاندارعا پىكىر ءبىلدىردى

22 قازان 16:51
:ءبولىسۋ
عالىمدار بەكىتىلمەگەن لاتىن قارپىندە جازا باستاعاندارعا پىكىر ءبىلدىردى

نۇر- سۇلتان. قازاقپارات - ش. شاياحمەتوۆ اتىنداعى «ءتىل- قازىنا» ۇلتتىق عىلىمي- پراكتيكالىق ورتالىعىنىڭ عالىم- حاتشىسى انار فازىلجان جەكەلەگەن مەكەمەلەردىڭ ءوز اتاۋلارىن تولىق بەكىتىلىپ ۇلگەرمەگەن لاتىن قارپىندە جازۋىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«بۇل ءالىپبيدىڭ تاريحىن بىلەسىزدەر. ەڭ الدىمەن، پارلامەنتتە ديگراف الىپبيلەر تۋرالى اڭگىمە قوزعالدى. ءبىراق ول رەسمي تۇردە بەكىتىلگەن جوق. سودان كەيىن ەلباسىنىڭ جارلىعىمەن اپوستروف تاڭباسى قويىلعان ءالىپبي بەكىتىلدى. الايدا، حالىقتىڭ پىكىرى ەسكەرىلىپ، ول جارلىققا وزگەرىس ەنگىزىلدى. قازىر ءبىز اكۋت تاڭباسى بار الفاۆيتتى قولدانامىز. قازىرگى اكۋت تاڭباسىمەن الىنعان ءالىپبيىمىز «ءبىر دىبىس - ءبىر ءارىپ» پرينتسيپىنە تولىعىمەن سايكەس كەلەدى. «ش» مەن «چ» ارىپتەرى عانا وسى پريتسيپكە ۇيلەسپەيدى. دياكريتيكانىڭ ءتۇر- ءتۇرى بار. اكۋت تاڭباسى بار ءالىپبي سونىڭ ىشىندە، ءبىز ءۇشىن ىڭعايلى دياكريتيكا بويىنشا جاسالدى. سوعان قاراماستان، پرەزيدەنت تاپسىرماسى بويىنشا ءالىپبيدى تاعى دا سىناقتان وتكىزەمىز. ءبىراق بۇل الفاۆيت تولىعىمەن اۋىسادى دەگەندى بىلدىرمەيدى. بۇل الفاۆيتتە جۇرتتىڭ كوڭىلىنەن شىققان ارىپتەر كوپ، 90 پايىزى دۇرىس» ، - دەدى ش. شاياحمەتوۆ اتىنداعى «ءتىل- قازىنا» ۇلتتىق عىلىمي- پراكتيكالىق ورتالىعىنىڭ عالىم- حاتشىسى انار فازىلجان بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

عالىمنىڭ مالىمدەۋىنشە، بۇگىندە بەكىتىلگەن لاتىن الىپبيىنە وزگەرىستەر ەنگىزۋ جۇمىستارى جۇرگىزىلىپ جاتىر.

«جاڭا ءالىپبيدىڭ كالليگرافيالىق ۇلگىسىن ى. التىنسارين اتىنداعى ءبىلىم بەرۋ اكادەمياسىنىڭ پسيحولوگ، پەداگوگ، ديزاينەر، ءتىلتانۋشى، ادىستەمە ماماندارىنان قۇرالعان جۇمىس توبى ازىرلەپ جاتىر. مەنىڭ بىلۋىمشە، ول دايىن بولىپ قالدى. ەگەر قازىرگى ءالىپبيدىڭ ارىپتەرى وزگەرسە، كالليگرافيا دا تەز ارادا سوعان سايكەس وزگەرتىلەدى. ءبىلىم جانە عىلىم مينيسترلىگى 2021 -جىلدان باستاپ الىپپەنى لاتىن الىپبيىمەن دايىندايدى. سوندىقتان دا كالليگرافيالىق ۇلگى دە اتالمىش ۋاقىتقا دەيىن ءازىر بولادى. بەكىتىلگەن دۇنيەنى وزگەرتۋ وتە قيىن. سوندىقتان بەكىتىلمەگەن الىپبيمەن تاڭبالاۋ تاجىريبەلەرى ورىندى دەپ سانايمىن. كوبى مەكەمە ماڭدايشالارىن بەكىتىلمەگەن لاتىنمەن جازىپ الىپ، ەرتەڭ تاعى شىعىندالادى دەگەن سىن ايتىلىپ ءجۇر. كەز كەلگەن مەملەكەتتىك مەكەمەنىڭ ماڭدايشاسىنداعى جازۋ 6 ايدا ءبىر رەت اۋىستىرىلىپ وتىرادى. سەبەبى كۇنگە وڭادى، جەلگە توتىعادى. سوندىقتان ول سىن - نەگىزسىز» ، - دەيدى ول.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات