لاتىن الىپبيىنە كوشۋ ادىستەمەسىن ازىرلەۋگە مىڭنان استام مامان قاتىستى
«لاتىن الىپبيىنە نەگىزدەلگەن پەرنەتاقتانى سىناقتان وتكىزۋ جۇمىستارى كەزىندە ارىپتەردىڭ Unikod ستاندارتتارىنا ساي ەمەس جەرلەرى بەلگىلى بولدى. باستاعان كەزدە ءار ءارىپتىڭ پەرنەتاقتادا قالاي تۇراتىنىن بىلگەن جوقپىز. قازىر سونى پەرنەتاقتاعا سالىپ سىناۋدىڭ مۇمكىندىگى تۋدى. بيىل Lenovo كومپانياسىمەن بىرگە لاتىن الىپبيىنە نەگىزدەلگەن پەرنەتاقتا شىعارىپ، تەستىلەۋ رەجيمىنەن وتكىزگەنبىز. سونىڭ قورىتىندىسىنا سايكەس، ءارىپ تەرۋ كەزىندە ءارتۇرلى كەدەرگىلەر تۋعىزاتىن ارىپتەر بار ەكەنى ءمالىم بولدى.
ياعني عالىمدار ۇسىنعان كەي تاڭبالار Unikod ستاندارتىنا ساي كەلمەيتىن بولىپ شىقتى. وسى كۇنگە دەيىن مىڭنان استام مامانمەن لاتىن الىپبيىنە كوشۋ بويىنشا ادىستەمەلىك جۇمىس جۇرگىزدىك. ونىڭ ىشىندە ءارتۇرلى بۋىن مەن سالا وكىلدەرىنىڭ پىكىرلەرى الىندى. وزدەرىڭىز بىلەتىندەي، كەشە پرەزيدەنت سونىڭ بارلىعىن جۇيەلەپ، ۇسىنىلعان تۇزەتۋلەردى ەنگىزۋدى تاپسىردى»، - دەدى ق ر مادەنيەت جانە سپورت ۆيتسە- ءمينيسترى نۇرعيسا داۋەشيەۆ و ك ق- دە وتكەن باسپا ءسوز ءماسليحاتىندا.
مينيستر ورىنباسارىنىڭ مالىمدەۋىنشە، ەلوردادا وتەتىن ءتىل فورۋمى اياسىندا عالىمدار دايىنداعان لاتىن گرافيكاسىنىڭ وقىتۋ- ۇيرەتۋ ادىستەمەلەرى تانىستىرىلادى.
«24 - قازان كۇنى ءتىل فورۋمىندا جاڭا الىپبيگە نەگىزدەلگەن وقىتۋ جانە ۇيرەتۋ ادىستەمەلەرى، لاتىن گرافيكاسىنىڭ IT تەحنولوگيالارعا بەيىمدەلگەن جوبالارى تانىستىرىلادى. فورۋمنىڭ ماقساتى دا سول - ەلباسى تاپسىرماسىنا سايكەس، قازاق ءتىلىن لاتىن گرافيكاسىنا كوشىرۋ باعىتىندا اتقارىلعان جۇمىستاردى تالقىلاۋ. سونىمەن قاتار، فورۋمدا قازاق ءتىلىنىڭ قولدانىلۋ اياسىن كەڭەيتۋ ماسەلەلەرى قارالادى»، - دەيدى ول.
ايتا كەتسەك، بۇعان دەيىن حابارلاعانىمىزداي، 24 - قازان كۇنى ەلوردادا «جاھاندانۋ جانە ۇلتتانۋ ۇدەرىسىندەگى قازاق ءتىلىنىڭ ومىرشەڭدىگى» تاقىرىبىندا ءتىل فورۋمى وتەدى.
اۆتور: ءالي يبرايەۆ