ەلباسى زەلەنسكيمەن كەزدەستى
ەلباسى الدىمەن زەلەنسكيدى ۋكراينا پرەزيدەنتى لاۋازىمىنا تاعايىندالۋىمەن قۇتتىقتاپ، الداعى كۇردەلى جۇمىسىنا تابىس تىلەدى. ۋكراينانىڭ ءار كۇنىن ءجىتى قاداعالاپ وتىراتىندىعىن ايتتى.
«پرەزيدەنتتەردىڭ ىشىندە العاشقى بولىپ زور سەنىممەن، 70 پايىزدان استام داۋىسپەن جەڭىسكە جەتتىڭىز. ءسىز قالاعان دۇنيەلەرىڭىزدى ىسكە اسىرۋعا قازىر مول مۇمكىندىگىڭىز بار. وسى جولدا سىزگە تابىس تىلەيمىن»، - دەدى ق ر تۇڭعىش پرەزيدەنتى.
ءوز كەزەگىندە زەلەنسكي ەلىندە ساپالى ەكونوميكالىق سەرپىلىستەردى جۇزەگە اسىرۋعا تىرىسىپ وتىرعانىن ايتا كەلە تاياۋدا نيۋ-يوركتە قازاقستان پرەزيدەنتى قاسىم-جومارت توقايەۆپەن كەزدەسكەنىن ەسكە الدى.
«نيۋ-يوركتە قاسىم-جومارت توقايەۆ مىرزامەن تانىسۋعا مۇمكىندىگىم بولدى. بىزگە، ۋكرايناعا، ساپارمەن كەلۋگە شاقىردىم. ءسىز دە ۋكراينادا سان مارتە بولعان ەدىڭىز. وسى مۇمكىندىكتى پايدالانىپ ءوزىڭىزدى ۋكرايناعا ساپارمەن كەلۋگە شاقىرامىن»، - دەدى زەلەنسكي.
ەستەرىڭىزگە سالا كەتسەك، وسى جىلدىڭ 25 -قىركۇيەگىندە ق ر پرەزيدەنتى قاسىم-جومارت توقايەۆ نيۋ-يورككە جاساعان ساپارى اياسىندا ۋكراينا پرەزيدەنتى ۆلاديمير زەلەنسكيمەن كەزدەسكەن بولاتىن.
اۆتور: مارلان جيەمباي