+7 (701) 759 90 19
-6 °С : نۇر-سۇلتان
-3 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

بەنزين باعاسىنىڭ كوتەرىلۋىنە نەگىز جوق - ەنەرگەتيكا ءمينيسترى

22 قازان 14:15
:ءبولىسۋ
بەنزين باعاسىنىڭ كوتەرىلۋىنە نەگىز جوق - ەنەرگەتيكا ءمينيسترى

نۇر-سۇلتان. قازاقپارات – ق ر ەنەرگەتيكا ءمينيسترى قانات بوزىمبايەۆ قازاقستاندىق بەنزيندى سىرتقا شىعارۋدى شەكتەۋ ءۇشىن قابىلداناتىن شارالار تۋرالى ايتىپ بەردى، دەپ حابارلايدى قازاقپارات ءتىلشىسى.

«بۇگىندە ادىلەت مينيسترلىگى ەنەرگەتيكا مينيسترلىگىمەن، ۇلتتىق قاۋىپسىزدىك كوميتەتىمەن، سونداي-اق قارجى مينيسترلىگىمەن بىرلەسكەن بۇيىرىقتى تىركەۋدەن وتكىزدى. وندا اشىق ءتۇستى مۇناي ونىمدەرىن جانە وزگە مۇناي ونىمدەرى تۇرلەرىن قازاقستان اۋماعىنان اۆتوموبيل كولىگىمەن شىعارۋعا شەكتەۋ شارالارى قامتىلعان. ەندى بەنزيندى، ديزەل وتىنىن جانە مۇناي ونىمدەرىنىڭ باسقا دا تۇرلەرىن اۆتوتسيستەرنالارمەن قازاقستاننان تىس شىعارۋعا تىيىم سالىنادى»، - دەدى قانات بوزىمبايەۆ ۇكىمەت وتىرىسىنان كەيىن تىلشىلەر ساۋالىنا جاۋاپ بەرە وتىرىپ.

ونىڭ سوزىنە قاراعاندا، شەكتەۋ شارالارى ترانزيتتىك اۆتوبۋستارعا دا قاتىستى بولادى.

«سونىمەن قاتار، وتىن قۇياتىن قوسىمشا باكتار قويىلعان جۇك كولىكتەرى دە ءتيىستى جاۋاپكەرشىلىككە تارتىلادى، ياعني اتالعان شەكتەۋمەن قامتىلادى. سەبەبى كوپتەگەن جۇك كولىكتەرى جانە ءترانزيتتى اۆتوبۋستار وتىندى شەتكە شىعارۋ ءۇشىن جاڭا قوسىمشا باكتار ورناتادى. سوندىقتان ەندى ءتيىستى شەكتەۋ شارالارى ىسكە اسىرىلماق»، - دەدى مينيستر.

جەڭىل كولىكتەر ءۇشىن جانارماي قۇيۋعا شەكتەۋ بولمايدى. الايدا قازاقستاننان تىس شىعارىلاتىن كانيسترلەر باقىلاۋدا بولادى.

«جەكە اۆتوكولىك جانار- جاعارماي قۇيۋ ستانساسىنا كەلىپ، ەمىن-ەركىن جيىرما ليترلىك ءبىر كانيسترگە بەنزين تولتىرا الادى. ال ەگەر كولىكتىڭ جۇك سالعىشىندا ودان كوپ كانيسترلەرگە وتىن تولتىراتىن بولسا، وعان شەكتەۋ ەنگىزىلەدى. سوندىقتان بيىل بەنزين مەن ديزەل وتىنى باعاسىنىڭ وزگەرۋى ءۇشىن ەشقانداي نەگىز جوق»، - دەدى بوزىمبايەۆ.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات