ۇكىمەت باسشىسى جاڭا «نۇرلى جول» باعدارلاماسىنا قاتىستى تاپسىرما بەردى
«بيىل 2015-2019-جىلدارعا ارنالعان «نۇرلى جول» مەملەكەتتىك باعدارلاماسىن ىسكە اسىرۋدى اياقتايمىز. كورىپ وتىرعانىمىزداي، ءبىرىنشى «نۇرلى جول» اياسىندا ءتيىمدى كولىك-لوگيستيكالىق جۇيە قۇرىلدى.
ەلباسىنىڭ تاپسىرماسى بويىنشا ۇكىمەت قازاقستاننىڭ ايماقتىق كولىكتىك-لوگيستيكالىق حاب قۇرۋ جانە ەۋروپا مەن ازيا اراسىنداعى ترانسكونتينەنتالدى كوپىرگە اينالۋ تۇرعىسىندا قارقىندى جۇمىستى ۇيىمداستىرۋدا. 2020-2025-جىلدارعا ارنالعان جاڭا «نۇرلى جول» باعدارلاماسىنىڭ كەزەڭى اياسىندا ەلىمىزدىڭ كولىك-لوگيستيكاسىن قۇرۋ جانە ترانزيتتىك الەۋەتىن ودان ءارى دامىتۋ بويىنشا جۇمىس جالعاسادى»، - دەدى ا. مامين ۇكىمەت وتىرىسىندا.
وسى ورايدا ۇكىمەت باسشىسى جالپى باعدارلامانىڭ جاڭا كەزەڭدىك تاسىلدەرىن، نەگىزگى باعىتتارىن قولدايتىنىن اتاپ ءوتتى.
«وسىعان بايلانىستى يندۋستريا مينيسترلىگىنە پرەزيدەنت اكىمشىلىگىمەن كەلىسكەننەن كەيىن، جاڭا مەملەكەتتىك باعدارلامانىڭ جوباسىن بيىلدىڭ سوڭىنا دەيىن قابىلداۋدى قامتاماسىز ەتۋدى تاپسىرامىن»، - دەدى اسقار مامين.
بۇدان بۇرىن حابارلانعانداي، ۇكىمەت وتىرىسىندا قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ «نۇرلى جول» باعدارلاماسىنىڭ 2020-2025-جىلدارعا ارنالگان جاڭا جوباسى تۋرالى باياندادى .