+7 (701) 759 90 19
-21 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

قازاقستاندا اقىلى جولداردان جىلدا قانشا قارجى جينالاتىنى جاريالاندى

22 قازان 12:18
:ءبولىسۋ
قازاقستاندا اقىلى جولداردان جىلدا قانشا قارجى جينالاتىنى جاريالاندى

نۇر-سۇلتان. قازاقپارات - اقىلى جولداردان جىل سايىن جينالاتىن قارجى 4 ميلليارد تەڭگەدەن استى.

بۇل تۋرالى ۇكىمەت وتىرىسىندا «نۇرلى جول» باعدارلاماسىنىڭ ىسكە اسۋ بارىسىن تالقىلاۋ كەزىندە ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ءمالىم ەتتى، دەپ حابارلايدى قازاقپارات ءتىلشىسى.

«2013-جىلى ۇزاقتىعى 211 شاقىرىم بولاتىن «نۇر-سۇلتان - شۋچينسك» العاشقى اقىلى اۆتوجولى قولدانىسقا ەنگىزىلدى، سول ۋچاسكەدە جىلىنا 1 ميلليارد تەڭگەدەن استام قاراجات جينالادى، ول وسى ۋچاسكەنى كۇتىپ ۇستاۋ شىعىنىنىڭ ورنىن تولتىرادى. قازىرگى ۋاقىتتا، اقىلى جولداردىڭ ۇزاقتىعى 682 شاقىرىمعا دەيىن ارتتى («نۇر- سۇلتان - شۋچينسك» (211 كيلومەتر)، «نۇر-سۇلتان - تەمىرتاۋ» (134 كيلومەتر)، «الماتى - قاپشاعاي» (42 كيلومەتر)، «الماتى - قورعاس» (295 كيلومەتر) جانە جىل سايىنعى جينالاتىن قاراجات 4 ميلليارد تەڭگەدەن استام بولادى. بۇل وسى اقىلى ۋچاسكەلەردى كۇتىپ ۇستاۋدا بيۋجەتتى ۇنەمدەۋگە مۇمكىندىك بەرەدى»، - دەدى مينيستر.

ونىڭ سوزىنە قاراعاندا، اۆتوجولدى پايدالانۋشىلارعا ساپالى جول بويىنداعى سەرۆيسپەن قامتاماسىز ەتۋ ماقساتىندا قولدانىستاعى 1822 نىساننىڭ 1 مىڭى ۇلتتىق ستاندارتقا سايكەستەندىرىلدى. بيۋجەت جانە جەكە كاپيتال ەسەبىنەن قوسىمشا 73 نىسان سالىندى. بۇل جۇمىستار الداعى ۋاقىتتا ودان ءارى جۇرگىزىلەتىن بولادى.


باستى سوزدەر: ةكونوميكا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات