شەتەلدەن مامان تارتۋدىڭ تالابى قانداي

نۇر-سۇلتان. قازاقپارات – ق ر س ءى م ينۆەستيتسيالار جونىندەگى كوميتەت ءتوراعاسىنىڭ ورىنباسارى لاريسا جۇماعاليەۆا شەتەلدىك مامانداردىڭ قازاقستاندا جۇمىس ىستەۋى تالاپتارىن ءتۇسىندىردى، دەپ حابارلايدى قازاقپارات ءتىلشىسى.

«مەملەكەتتىڭ قازىرگى ساياساتى بويىنشا، باستاپقىدا ينۆەستورعا الدىن الا رۇقسات بەرەمىز. سەبەبى، وندا ۋنيكالدى تەحنولوگيامەن قازاقستاندا بۇرىن-سوڭدى بولماعان جاڭا زاۋىتتار اشىلادى. ونداي ماماندار بىزدە جوق، ونى ەشكىم دايارلاماعان. سوندىقتان، باستاپقىدا سول زاۋىتتى قۇرۋ ءۇشىن، ىسكە قوسۋ ءۇشىن جانە ءبىر جىل بويى جەرگىلىكتى مامانداردى ۇيرەتۋ ءۇشىن ينۆەستورلارعا مامان اكەلۋگە رۇقسات بەرەمىز. الايدا ولاردىڭ سانى شەكتەۋلى جانە مەملەكەتتىك قۇزىرلى ورگانداردىڭ قاداعالاۋىندا بولادى. شەتەلدىك ينۆەستور ءوز ماماندارىن اكەلۋدى جانە قازاقستاندىق مامانداردى دايارلاۋدى ءوز جاۋاپكەرشىلىگىنە الىپ، الدىن الا كەلىسىم بەكىتەدى. سونداي جاعدايدا عانا ينۆەستورعا رۇقسات بەرىلەدى»، - دەدى ل. جۇماعاليەۆا «Qazaqstan» ۇلتتىق ارناسىنداداعى «اshyq alań» قوعامدىق-ساياسي توك-شوۋىندا.

سونىمەن بىرگە، باعدارلامادا ق ر س ءى م رەسمي وكىلى ايبەك سمادياروۆ قوعامداعى قىتاي فوبياسى تۋرالى پىكىر ءبىلدىرىپ، قىتاي ينۆەستيتسياسى تۋرالى اقپارات جەتىسپەيتىنىن ايتتى.

«قىتايدان قورقاۋدىڭ قاجەتى جوق. دامىعان ەلدەر قىتايدىڭ قارجىسىنا تالاسىپ جاتىر. سولتۇستىك ەۋروپادا شۆەتسيادا Volvo كوميپانياسىن ساتىپ الدى. شۆەدتەر نەگە شۋلامايدى؟ ءبىزدىڭ قوعامداعى ريتوريكانى تىڭداپ كورسەڭىز، شەتەلدەن اقشا سۇرامايىق دەيدى. وندا قايدان تابامىز؟ وزىمىزدە اقشا جوق. 90-جىلداردى ەسكە تۇسىرەيىك، سوۆەت ۇكىمەتى قۇلاعان سوڭ، ەشكىمدە اقشا بولمادى عوي. سوندىقتان شەتەلدىڭ ينۆەستورلارىن شاقىردىق»، - دەدى ا. سمادياروۆ.

ونىڭ پىكىرىنشە، قوعامدى اقپاراتتاندىرۋ جۇيەلى تۇردە ءجۇرۋى ءتيىس جانە جەرگىلىكتى ايماقتىق بيلىك حالىققا دۇرىس تۇسىندىرە الۋى كەرەك.

«ەڭ الدىمەن شەتەلدىك ينۆەستور ەلشىلىككە كەلەدى. ونى ەلشىلىكتەن ورتالىققا - سىرتقى ىستەر مينيسترلىگىنە الىپ كەلەمىز جانە قاجەتتى ايماققا جىبەرىلەدى. بۇل - استانادا شەشىلەتىن ماسەلە ەمەس. وبلىستاردىڭ باسشىلىعى، جەرگىلىكتى بيلىك ينۆەستورلارمەن جۇيەلى جۇمىس جۇرگىزۋى كەرەك. قانشا زاۋىت اشىلدى؟ سول زاۋىتتىڭ جۇمىسشىلارى ءبىز وسىنداي جۇمىس ىستەپ جاتىرمىز، ايلىق الىپ جاتىرمىز دەپ نەگە ايتپايدى؟ ال الەۋمەتتىك جەلىلەردە تاراپ جاتقان قاڭقۋ اقپارات - اقپاراتتىق سوعىستىڭ ءبىر قىرى»، - دەدى ايبەك سمادياروۆ.

سپيكەردىڭ ايتۋىنشا، قازاقستانعا ەڭ كوپ ينۆەستيتسيا سالعان بەس مەملەكەت قاتارىندا نيدەرلاندى، ا ق ش، قىتاي، فرانسيا جانە يسپانيا بار. ولار كوبىنەسە رەسۋرستىق باعىتتا شيكىزات ونىمدەرىنە نەمەسە سول شيكىزاتتى وڭدەيتىن تەحنولوگيالارعا قىزىعۋشىلىق تانىتقان.