+7 (701) 759 90 19
-6 °С : نۇر-سۇلتان
-2 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

تۇركىستان كوگىلدىر وتىنمەن تولىق قامتىلادى - ءومىرزاق شوكەيەۆ

22 قازان 09:46
:ءبولىسۋ
تۇركىستان كوگىلدىر وتىنمەن تولىق قامتىلادى - ءومىرزاق شوكەيەۆ

تۇركىستان. قازاقپارات - تۇركىستان قالاسى كوگىلدىر وتىنمەن تولىق قامتىلادى.

بۇل تۋرالى تۇركىستان وبلىسىنىڭ اكىمى ءومىرزاق شوكەيەۆ اپتالىق اپپاراتتىق ماجىلىستە اتاپ ءوتتى، دەپ حابارلايدى قازاقپارات ءتىلشىسى.

ايماق باسشىسىنىڭ سوزىنشە، قازىر شاھاردىڭ تەڭ جارتىسىنان استام اۋماعىندا گاز قۇبىرلارى جۇرگىزىلىپ قويعان. قۇزىرلى مەكەمە قىزمەتكەرلەرىنە حالىققا كومىردەن گورى، كوگىلدىر وتىندى قولدانعان ەكولوگيالىق ءارى قارجى جاعىنان ءتيىمدى ەكەندىگىن ءتۇسىندىرۋ جانە قامتاماسىز ەتۋ تاپسىرىلعان.

«قالانى سەكتورلارعا ءبولىپ، جىلىتۋ ماۋسىمىنا دايىندىقتى كۇشەيتۋ كەرەك. تۇركىستان قالاسىن گازبەن قامتۋ، كوگالداندىرۋ جانە ەكولوگيالىق جاعدايىن جاقسارتۋدى مىقتاپ قولعا الۋ قاجەت. ارىس تاجىريبەسىن قولدانىپ، ساپاسىنا قاتىستى تالاپتى دا ءدال سول دەڭگەيدە جۇرگىزۋىمىز كەرەك»، - دەدى ءومىرزاق شوكەيەۆ.

ماجىلىستە سونداي-اق، ارىس قالاسىنداعى قۇرىلىس جۇرگىزىلگەن جانە زارداپ شەككەن ۇيلەردى قايتا قالپىنا كەلتىرۋ جۇمىستارى جايلى سوڭعى مالىمەتتەر ايتىلدى. سالا ماماندارىنىڭ سوزىنشە، قاراشا ايىنىڭ باسىندا قۇجات راسىمدەۋ جانە ىشكى ارلەۋ جۇمىستارى اياقتالۋى ءتيىس. ەندىگى كۇش تۇركىستان قالاسىن كوركەيتۋگە باعىتتالماق.

ماسەلەن، وتكەن دەمالىس كۇندەرى تۇركىستان وبلىسىندا جالپىحالىقتىق سەنبىلىك ءوتىپ، قالا اۋماعىندا 22 مىڭعا جۋىق كوشەت وتىرعىزىلعان. ءوڭىردى كوگالداندىرۋ ماقساتىندا تۇركىستان قالاسىنىڭ اينالاسىندا «جاسىل بەلدەۋ» قالىپتاسىپ كەلەدى.

جالپى تۇركىستان وبلىسى بويىنشا 1,3 ميلليوننان استام اعاش ەگىلەدى. ماجىلىستە ەكولوگيالىق احۋال دا ءسوز بولدى. ءومىرزاق شوكەيەۆ ءوڭىردى كۇل-قوقىستان تازارتىپ، تازالىقتى ساقتاۋدى جەرگىلىكتى باسشىلارعا كوزدەن تاسا قالدىرماي، قاداعالاۋدى تاپسىردى.

جيىندا وبلىستاعى ورمان جانە اڭشىلىق شارۋاشىلىعىنا قاتىستى ماسەلەلەر ورتاعا سالىندى. ماماندار سەكسەۋىلدىڭ سيرەپ بارا جاتقانىنا الاڭداۋلى. بۇل ماسەلەگە قاتىستى الداعى ۋاقىتتا ناقتى شارالار جۇزەگە اسىرىلاتىن بولدى.

اۆتور: اينۇر اقبايەۆا


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات