ونەرتاپقىشتار قارجىلاندىرۋ ءۇشىن قايدا جۇگىنۋى كەرەك - كوميتەت

نۇر-سۇلتان. قازاقپارات – ق ر س ءى م ينۆەستيتسيالار جونىندەگى كوميتەت ءتوراعاسىنىڭ ورىنباسارى لاريسا جۇماعاليەۆا ونەرتاپقىشتاردى قارجىلاندىرۋ تەتىكتەرىن ءتۇسىندىردى، دەپ حابارلايدى قازاقپارات ءتىلشىسى.

«Qazaqstan» ۇلتتىق ارناسىنداداعى «اshyq alań» قوعامدىق-ساياسي توك-شوۋىندا سپيكەرگە «ونەرتاپقىشتار ءوز جاڭالىقتارىن قارجىلاندىرۋ ءۇشىن ينۆەستيتسيا تارتقىسى كەلسە، الدىمەن قايدا جۇگىنۋى كەرەك؟» دەگەن سۇراق قويىلدى.

«بيىل ءبىز تىكەلەي ينۆەستيتسيالار قورىن اشتىق. ول قوردىڭ جالپى كاپيتاليزاتسياسى 370 ميلليارد تەڭگەنى قۇرادى. العاشقى ۋاقىتتا قورعا 70 ميلليارد تەڭگە سالدىق. سول قور ەۋروپا قايتا قۇرۋ جانە دامۋ بانكىمەن بىرلەسىپ، 5 ميلليارد دوللاردى سول باعىتقا جۇمساپ جاتىر. ەگەر ونەرتاپقىشتار مەن كاسىپكەرلەر يننوۆاتسيالىق جوبالاردى جۇزەگە اسىرعىسى كەلسە، الايدا قاراجاتى جەتپەسە، قورعا حابارلاسا الادى. سونىمەن بىرگە، «بيزنەستىڭ جول كارتاسى - 2020» باعدارلاماسى كەڭىنەن تاراعان. سول باعدارلامانىڭ ءبىر باعىتى - يننوۆاتسيالىق گرانتتار بەرۋ. وندا 3 ميلليونعا دەيىن يننوۆاتسيالىق گرانتتار بەرىلەدى، قازىر ونىڭ كولەمى ارتتى»، - دەدى ل. جۇماعاليەۆا.

ەسكە سالا كەتسەك، ەلباسى نۇرسۇلتان نازاربايەۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى حالىققا جولداۋىندا «ءىرى ءارى سەرپىندى جوبالاردى جۇزەگە اسىرۋ ءۇشىن شەتەلدىك ينۆەستورلارمەن بىرلەسىپ ينۆەستيتسيا سالۋ قاعيداتى بويىنشا جۇمىس ىستەيتىن شيكىزاتتىق ەمەس سەكتورعا بولىنەتىن تىكەلەي ينۆەستيتسيا قورىن قۇرۋدى تاپسىرعان بولاتىن.

ق ر ۇكىمەت باسشىسى اسقار مامين تىكەلەي ينۆەستيتسيالار قورى كومپانياسىنىڭ ديرەكتورلار كەڭەسىن باسقارادى.