+7 (701) 759 90 19
-21 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

نۇرتورە ءجۇسىپ دارىگەرلەر قاتەلىگى ماسەلەسىن كوتەردى

22 قازان 08:59
:ءبولىسۋ
نۇرتورە ءجۇسىپ دارىگەرلەر قاتەلىگى ماسەلەسىن كوتەردى

نۇر-سۇلتان. قازاقپارات - سەناتور نۇرتورە ءجۇسىپ پارلامەنت سەناتىنداعى ۇكىمەتتىك ساعاتتا دارىگەرلەر قاتەلىگى ماسەلەسىن كوتەردى، دەپ حابارلايدى قازاقپارات ءتىلشىسى.

«جالپى، ومىردە قاتەلەسپەيتىن ادام دا، مامان دا جوق. بىزدەگى دارىگەر قاتەلىگى دەگەن ماسەلەگە بايلانىستى نە ايتاسىز؟ ەكىنشىدەن، جالپى كلينيكالىق حاتتاما دەگەن بار. دياگنوز قويۋ ىسىندە ءبىز دارىگەرلەردىڭ دياگنوزدى دۇرىس قويا الماۋى سالدارىن كورىپ ءجۇرمىز. ماسەلەن، قاراعاندىدا 11 ايلىق قىز بالا اۋرۋحاناعا ءتۇسىپ، وعان ىشەك ينفەكتسياسى دياگنوزى قويىلعان. انتيبيوتيك بەرىپ، ەكى اپتادان كەيىن برونحيت دەگەن. ودان سوڭ انگينا دەپ، اقىرى وتكىر ەكىجاقتى پنيەۆمانيا دەپ، ءبىر ايدىڭ ىشىندە قىز بالا كوماعا ءتۇسىپ، ومىردەن ءوتىپ كەتكەن»، - دەدى نۇرتورە ءجۇسىپ.

سەناتوردىڭ ايتۋىنشا، بۇل جاعداي «كازاحستانسكايا پراۆدا» گازەتىندە جازىلعان. وسىنى ايتا كەلە دەپۋتات دارىگەرلەر كلينيكالىق حاتتاما دەگەندى وقي ما، جوق پا - سونى بىلگىسى كەلەتىنىن ايتىپ ءوتتى.

بۇل سۇراققا جاۋاپ بەرگەن دەنساۋلىق ساقتاۋ ءمينيسترى ەلجان ءبىرتانوۆ راسىندا دا، دارىگەردىڭ قاتە مەديتسينالىق كومەك كورسەتىپ، ونى جاسىرماق بولاتىن جاعدايلارى كەزدەسەتىنىن ايتتى.

«ونداي جاعدايدا دارىگەر قاعازداردىڭ ءبارىن تىعىپ تاستايدى. وكىنىشكە قاراي، بىزدە ونداي جاعدايلار بار. باسقا مەملەكەتتەردە دە كەزدەسەدى. دۇنيەجۇزىلىك تاجىريبە بويىنشا، وسى ماسەلەنى قالاي شەشۋ كەرەكتىگىن زەرتتەپ جاتىرمىز. دارىگەردىڭ قاتەلىگى بولادى ەندى... ءبىراق، ونى رەتتەپ، سەبەپتەرىن تابۋىمىز كەرەك. دارىگەرلەر ءوز قاتەلەرى جونىندە اقپارات بەرىپ، باسقا دارىگەرلەرمەن تالقىلاپ، شەشىم قابىلداسا - سوندا عانا بىزدە كۇردەلى ماسەلەلەردى جۇيەلى تۇردە شەشۋگە مۇمكىندىك تۋادى. سونىمەن بىزگە، ءبىزدىڭ ويىمىزشا، زاڭ تاراپىنان بىرىنشىدەن دۇرىستاپ قاراستىرۋىمىز كەرەك. قازىرگى ول ۋاقىتتا بۇل ماسەلە تەك قىلمىستىق كودەكستىڭ نەگىزىندە قارالادى»، - دەدى ول.

مينيستر ءوز سوزىندە ءار اۋرۋحانانىڭ ىشىندە قاجەتتى مەديتسينالىق قىزمەت ساپاسىن كوتەرۋ قاجەتتىگى بار ەكەنىن ءسوز ەتتى.

«سونىمەن بىرگە، دارىگەرلەردىڭ جاۋاپكەرشىلىگىن ساقتاندىرۋ جۇيەسىن ەنگىزۋىمىز كەرەك. كلينيكالىق حاتتاما بويىنشا ءار اۋرۋحانادا وسىنداي جاعداي ورىن السا، دارىگەرلىك كوميسسيا جۇمىس جۇرگىزەدى. دارىگەرلەر مۇنداي جاعدايلاردان ساباق الۋى كەرەك. قوسىمشا قاراجات كوزى تابىلسا، دارىگەرلەردى جۇمىستان شىعارماي، وقۋعا جىبەرۋ كەرەك. وسى سەبەپتى، دارىگەرلەردى قايتا دايارلاۋ باعىتىنداعى بيۋجەت شىعىستارىن كوبەيتىپ جاتىرمىز»، - دەدى ول.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات