+7 (701) 759 90 19
-4 °С : نۇر-سۇلتان
1 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

بەرىك ءۋالي ق ر پرەزيدەنتىنىڭ جارلىعىن ءتۇسىندىرىپ بەردى

22 قازان 08:30
:ءبولىسۋ
بەرىك ءۋالي ق ر پرەزيدەنتىنىڭ جارلىعىن ءتۇسىندىرىپ بەردى

نۇر-سۇلتان. قازاقپارات – ق ر پرەزيدەنتىنىڭ باسپا ءسوز حاتشىسى بەرىك ءۋالي مەملەكەت باسشىسىنىڭ 2019-جىلدىڭ 9- قازانىنداعى «قازاقستان رەسپۋبليكاسى پرەزيدەنتىنىڭ كەيبىر اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» جارلىعىنا تۇسىنىكتەمە بەردى، دەپ حابارلايدى قازاقپارات.

«كەيبىر بۇقارالىق اقپارات قۇرالدارىنىڭ وكىلدەرى ماعان مەملەكەت باسشىسىنىڭ 2019-جىلدىڭ 9- قازانىنداعى «قازاقستان رەسپۋبليكاسى پرەزيدەنتىنىڭ كەيبىر اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» جارلىعىنا تۇسىندىرمە بەرۋ جونىندە ءوتىنىش جاسادى. وسى قۇجات ب ا ق بەتتەرىندە ءتۇرلى پايىمدار مەن پىكىرلەر تۋعىزدى. مەنىڭ ويىمشا، بۇل پرەزيدەنتتىڭ «كەزەكتى» جارلىعى. بۇل قۇجاتقا 2018-جىلعى شىلدەدە قابىلدانعان قاۋىپسىزدىك كەڭەسى تۋرالى جاڭا زاڭنىڭ ەرەجەلەرىنە سايكەس قول قويىلدى. اتالعان القالى ورگاننىڭ وكىلەتتىلىگىن كۇشەيتۋ زاڭعا سايكەس قاراستىرىلادى. ال ونى قازاقستاننىڭ تۇڭعىش پرەزيدەنتى - ەلباسى ن. نازاربايەۆ ءومىر بويى باسقارادى»، - دەپ جازادى بەرىك ءۋالي ءوزىنىڭ facebook-تەگى پاراقشاسىندا.

سونداي-اق، ق ر پرەزيدەنتىنىڭ باسپا ءسوز حاتشىسى مەملەكەتتىڭ لاۋازىمدى تۇلعالارىن تاعايىنداۋ تۋرالى كەلىسىم ءتارتىبى ءىس جۇزىندە پرەزيدەنتتىڭ بارلىق كادرلىق ماسەلەلەر بويىنشا ءوز بەتىنشە شەشىم قابىلداۋىنا كەدەرگى كەلتىرمەيتىندىگىن جەتكىزدى.

«ەلباسىنىڭ ءوزى «حابار» تەلەارناسىنا بەرگەن سۇحباتىندا: «توقايەۆ مەنىمەن اقىلداسادى. ءبىراق ءوزى شەشىم قابىلدايدى» دەگەن بولاتىن. پرەزيدەنت كونستيتۋتسيا بويىنشا ەلىمىزدىڭ جوعارعى باس قولباسشىسى جانە ول ۇكىمەتتى جاساقتايدى. مەملەكەت باسشىسى - وبلىستاردىڭ جانە رەسپۋبليكالىق ماڭىزى بار قالالاردىڭ اكىمدەرىن جەرگىلىكتى ءماسليحاتتاردىڭ كەلىسىمدەرىمەن تاعايىندايتىن جوعارى لاۋازىمدى تۇلعا. سونداي-اق پرەزيدەنتتىڭ قۇزىرەتى قازاقستان رەسپۋبليكاسى كونستيتۋتسياسىنىڭ 40-48- باپتارىندا انىق كورسەتىلگەن»، - دەيدى ول.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
Мухамедиярова Жанара
Мухамедиярова Жанара
954-049

مۇراعات