قازاقستاندىقتارعا كورەيادا زاڭدى جۇمىس ىستەۋگە مۇمكىندىك بەرىلۋى مۇمكىن
«وڭتۇستىك كورەياعا 30 كۇنگە ۆيزاسىز كىرۋ ءتارتىبى جۇمىسقا ورنالاسۋدى قاراستىرمايدى. سوندىقتان بۇل ەلگە جۇمىسقا ورنالاستىرۋعا جىبەرەتىن قازاقستاندىق كومپانيالار زاڭسىز قىزمەت ەتەدى، ياعني وسى شارالارعا ولاردا ءتيىستى ليتسەنزيا جوق»، - دەدى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۆەدومستۆودا.
وسى ورايدا، ول بۇگىندە قازاقستان ازاماتتارىن وڭتۇستىك كورەيادا جۇمىسقا ورنالاستىرۋ قادامدارى قاراستىرىلماعانىن اتاپ ءوتتى. الايدا، قازىرگى كەزدە قازاقستاندىقتاردى بۇل ەلدە جۇمىسپەن قامتۋ شارالارى تالقىلانىپ جاتىر.
«قازىرگى كەزدە ق ر پرەزيدەنتى قاسىم-جومارت توقايەۆتىڭ تاپسىرماسى بويىنشا ق ر ۇكىمەتى وڭتۇستىك كورەيا ۇكىمەتىمەن قازاقستان ازاماتتارى ءۇشىن اتالعان ەلدەگى بالىق جانە اۋىل شارۋاشىلىعى سالاسىندا ماۋسىمدىق جۇمىستاردىڭ مۇمكىندىگىن پىسىقتاۋدا. بۇدان باسقالارى ەكى ەلدىڭ زاڭناماسىن بۇزۋ بولىپ سانالادى»، - دەدى ا. سمادياروۆ.