+7 (701) 759 90 19
-9 °С : نۇر-سۇلتان
5 °С : الماتى
USD 389.34 EUR 428.78
RUB 6.05 CNY 55.45
جاڭالىقتار

نۇرسۇلتان نازاربايەۆ توكيوعا كەلدى

21 قازان 18:08
:ءبولىسۋ
نۇرسۇلتان نازاربايەۆ توكيوعا كەلدى

توكيو. قازاقپارات - قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ جاپونيانىڭ يمپەراتورى نارۋحيتونىڭ تاققا وتىرۋىنا ارنالعان رەسمي شاراعا قاتىسۋ ءۇشىن توكيوعا ۇشىپ كەلدى، دەپ حابارلايدى قازاقپارات ءتىلشىسى.

«يمپەراتور اكيحيتونىڭ ءوز ەركىمەن وكىلەتتىگىن توقتاتۋى وسىدان ەكى عاسىر ۋاقىتتان كەيىنگى ايرىقشا وقيعا بولىپ وتىر. سول سەبەپتى 2017-جىلى ول ءوز وكىلەتتىگىن توقتاتۋى ءۇشىن ارنايى زاڭ ازىرلەنىپ، قابىلدانعان ەدى. جالپى وسى ۋاقىتقا دەيىنگى قابىلدانعان يمپەراتور ءۇيى تۋرالى زاڭدا يمپوراتوردىڭ ءوز ەركىمەن وكىلەتتىگىن دوعاراتىندىعى جازىلماعان. سوندىقتان بۇل شارا، يمپەراتوردىڭ تاققا وتىرۋ سالتاناتتى ءراسىمى جاپون حالقى ءۇشىن قاسيەتتى سانالادى - دەدى قازاقستاننىڭ جاپونياداعى توتەنشە جانە وكىلەتتى ەلشىسى ەرلان باۋداربەك-قوجابايەۆ قازاقستاندىق ب ا ق وكىلدەرىنە بەرگەن سۇحباتىندا.

قازاقستان ەلشىسىنىڭ دەرەگىنشە، قازىرگى ۋاقىتتا 177 ەلدىڭ دەلەگاتسياسى جاپونيانىڭ يمپەراتورى نارۋحيتونىڭ تاققا وتىرۋىنا ارنالعان رەسمي شاراعا قاتىساتىندىعىن راستاعان. ولاردىڭ قاتارىندان مەملەكەت، ۇكىمەت باسشىلارى، سىرتقى ىستەر مينيسترلەرى بار.

«جاپون ۇكىمەتى، ونىڭ ىشىندە ۇكىمەت باسشىسى سيندزو ابە نۇرسۇلتان ءابىش ۇلى نازاربايەۆتىڭ وسى جولعى ساپارىنا زور ريزاشىلىق تانىتىپ، ءوز قۇرمەتىن ءبىلدىرىپ وتىر. سەبەبى، وسىعان دەيىن ايتقانىمداي، جاپون حالقى ءۇشىن يمپەراتوردىڭ تاققا وتىرۋى قاسيەتتى مانگە يە»، - دەدى قازاقستان ەلشىسى.

ەستەرىڭىزگە سالات كەتەيىك، جاپونيا ۇكىمەتى 2019-جىلدىڭ 1- مامىرىندا جاڭا يمپەريالىق كەزەڭنىڭ باستالعانىن جاريالادى. بۇل كەزەڭ «رەيۆ» ءداۋىرى دەپ اتالادى - بۇل اتاۋ قازاق تىلىندە اۋدارعاندا «ءتارتىپ»، «ۇيلەسىم» جانە «گۇلدەنگەن الەم» دەگەن ماعىنا بەرەدى. قازىرگى «حەيسەي» دەپ اتالاتىن ءداۋىردىڭ اتاۋى قىتاي ادەبيەتىنەن الىنعان بولاتىن، ول «الەم جەتىستىگى» دەگەن ماعىنا بەرەدى. ول ءداۋىر 1989-جىلدىڭ قاڭتارىندا، حيروحيتو يمپەراتور قايتىس بولعان كەزدە باستالعان ەدى. ونىڭ ۇلى اكيحيتو جاپونيانىڭ 125-يمپەراتورى رەتىندە 30 جىلعا جۋىق ۋاقىت بيلىك قۇردى. ءسويتىپ ءوز ەركىمەن تاقتان باس تارتتى. ول بۇل شەشىمىن جاسىنىڭ ۇلعايعانىمەن ءتۇسىندىردى. حانزادا نارۋحيتو تاققا 1- مامىر كۇنى وتىردى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات