بەلارۋس پرەزيدەنتىنىڭ قازاقستانعا ساپارىنىڭ ماقساتى بەلگىلى بولدى
«24-25- قازاندا بەلارۋس رەسپۋبليكاسىنىڭ پرەزيدەنتى الەكساندر لۋكاشەنكونىڭ قازاقستان رەسپۋبليكاسىنا رەسمي ساپارى وتەدى. بەلارۋس پرەزيدەنتىنىڭ ساپارىن وتكىزۋدىڭ نەگىزگى ماقساتى - ەكى مەملەكەت اراسىنداعى قاتىناستاردى قارقىندى دامىتۋ جانە ساۋدا-ەكونوميكالىق ىنتىماقتاستىقتى تەرەڭدەتۋگە باسا نازار اۋدارا وتىرىپ، ءوزارا ءىس-قيمىلدىڭ بارلىق سپەكترى بويىنشا ءداستۇرلى دوستىق قازاقستان-بەلارۋس بايلانىستارىنا قوسىمشا سەرپىن بەرۋ»، - دەدى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ.
كەلىسسوزدەر بارىسىندا حالىقارالىق جانە وڭىرلىك ماسەلەلەر بويىنشا سىرتقى ساياسي باعىتتاعى ءوزارا ءىس-قيمىل شارالارى، ينگەراتسيالىق بىرلەستىكتەر مەن كوپجاقتى ۇيىمدارداعى ەكى ەلدىڭ قىزمەتى، سونداي-اق قازاقستان-بەلارۋس ىنتىماقتاستىعىن ودان ارى دامىتۋ پەرسپەكتيۆالارى تالقىلانادى.
«تاراپتار ساۋدا-ەكونوميكالىق، تارانزيتتىك-كولىكتىك جانە وتىن-ەنەرگەتيكالىق ىنتىماقتاستىقتى، ونەركاسىپتىك كووپەراتسيانى، IT جانە جوعارى تەحنولوگيالار سالاسىنداعى ءوزارا ءىس-قيمىلدى كەڭەيتۋدىڭ بىرلەسكەن تاسىلدەرىن قاراستىرادى. كەلىسسوزدەر قورىتىندىسى بويىنشا، مەملەكەت باسشىلارى بىرلەسكەن مالىمدەمە قابىلداپ، ىنتىماقتاستىقتىڭ ءتۇرلى سالالارىنداعى ءبىرقاتار ەكىجاقتى كەلىسىمدەرگە قول قويادى دەپ كۇتىلۋدە. سونىمەن قاتار، ساپار اياسىندا قازاقستان-بەلارۋس بيزنەس-فورۋمى ءوتىپ، ونىڭ بارىسىندا كاسىپكەرلىك قوعامداستىقتىڭ الدىندا تۇرعان پەرسپەكتيۆالار مەن مىندەتتەر تالقىلانادى»، - دەدى رەسمي وكىل.