+7 (701) 759 90 19
-19 °С : نۇر-سۇلتان
1 °С : الماتى
USD 388.49 EUR 427.26
RUB 6.06 CNY 55.32
جاڭالىقتار

قازاقستاندا ورتالىق ازياداعى العاشقى پروتون تەراپيا ورتالىعى سالىنادى

21 قازان 20:33
:ءبولىسۋ
قازاقستاندا ورتالىق ازياداعى العاشقى پروتون تەراپيا ورتالىعى سالىنادى

نۇر-سۇلتان. قازاقپارات - دەنساۋلىق ساقتاۋ ءمينيسترى ەلجان ءبىرتانوۆ ۇلتتىق عىلىمي ونكولوگيا ورتالىعى قاي جەردە سالىناتىنىن ايتىپ بەردى، دەپ حابارلايدى قازاقپارات ءتىلشىسى.

«ۇلتتىق عىلىمي ونكولوگيا ورتالىعى جوباسىنىڭ كەشەۋىلدەپ قالۋىنا بايلانىستى سىن دا ايتىلعان ەدى. ول جوبامەن نازاربايەۆ ۋنيۆەرسيتەتى اينالىسقان. وتكەن جىلدان باستاپ جوبانىڭ پارامەترلەرىن قايتا قاراپ، قازىرگى ۋاقىتتا قاي جەردە سالاتىندىعىن ايقىندادىق. باسقا دا عىلىمي ورتالىقتارمەن ينتەگراتسيا بارىنشا مىعىم بولۋى ءۇشىن ءبىز تۇرعىزىلاتىن جاڭا ورىندى بەلگىلەدىك»، - دەدى ەلجان ءبىرتانوۆ پارلامەنت سەناتىندا ۇكىمەتتىك ساعاتتان كەيىن تىلشىلەردىڭ سۇراعىنا جاۋاپ بەرە وتىرىپ.

ءمينيستردىڭ ايتۋىنا قاراعاندا، ورتالىق - بۇرىنعى مەديتسينالىق حولدينگتىڭ اۋماعىندا سالىنادى. ياعني، ول - ۇلتتىق كارديوحيرۋرگيا ورتالىعى، ۇلتتىق نەيروحيرۋرگيالىق ورتالىق پەن ۇلتتىق عىلىمي ونكولوگيا جانە ترانسپونتولوگيا ورتالىعى تۇرعان مەديتسينالىق كەشەن اۋماعىندا بوي كوتەرەدى.

«ۇلتتىق عىلىمي ونكولوگيا جانە ترانسپونتولوگيا ورتالىعى ۇلتتىق عىلىمي ونكولوگيالىق ورتالىق بولىپ ترانسفورماتسيالانعان ەدى. سول ورتالىقتىڭ اۋماعىندا قازىرگى ۋاقىتتا مەن ايتقان نىساننىڭ قۇرىلىسى ءجۇرىپ جاتىر. سونىمەن بىرگە، ونىڭ جانىندا نازاربايەۆ ۋنيۆەرسيتەتىنىڭ مەديتسينالىق مەكتەبى تۇر. ياعني، بۇل ونكوورتالىقتىڭ سالىنۋى - جەتەكشى تەحنولوگيالارعا قول جەتكىزۋگە مۇمكىندىك بەرەدى»، - دەدى ول.

ەلجان ءبىرتانوۆ نىسان قۇرىلىسى بويىنشا مەردىگەر بەكىتىلگەنىن، ول مەردىگەردىڭ - ۇلتتىق كارديوحيرۋرگيا ورتالىعى مەن انا مەن بالا ورتالىعىن سالعان «دەلويد ينجينيرينگ» كومپانياسى ەكەنىن اتاپ ءوتتى.

«وسى ورتالىقتىڭ اياسىندا ورتالىق ازياداعى بىردەن-ءبىر پروتوندى تەراپيا ورتالىعى اشىلادى. بۇل - شاعىن ىسىكتەردى ەمدەيتىن جاڭاشا تەحنولوگيا. ورتالىقتىڭ ەمدەۋ كورپۋسىنىڭ قۇرىلىسىن 2020-جىلدىڭ سوڭىندا اياقتاۋدى كوزدەپ وتىرمىز. پروتوندى تەراپيا ورتالىعى كۇردەلى بولعاندىقتان، ونىڭ قۇرىلىسى شامامەن 2021-جىلدىڭ ورتاسىندا اياقتالادى. جوبانىڭ جالپى قۇنى - 70 ميلليارد تەڭگە»، - دەدى ول.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات