+7 (701) 759 90 19
-2 °С : نۇر-سۇلتان
-3 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

ق ر ءبىلىم مينيسترلىگىن سىناعان انار قايىربەكوۆا ج و و رەكتورى بولىپ تاعايىندالدى

21 قازان 19:31
:ءبولىسۋ
ق ر ءبىلىم مينيسترلىگىن سىناعان انار قايىربەكوۆا ج و و رەكتورى بولىپ تاعايىندالدى

نۇر-سۇلتان. قازاقپارات – ق ر ءبىلىم جانە عىلىم مينيسترلىگى اكىمشىلىك جۇمىس جانە مەملەكەتتىك ساتىپ الۋ دەپارتامەنتىنىڭ ديرەكتورى بولعان انار قايىربەكوۆا وڭتۇستىك قازاقستان مەملەكەتتىك ۋنيۆەرسيتەتىنىڭ رەكتورى بولىپ تاعايىندالدى، دەپ حابارلايدى قازاقپارات ءتىلشىسى.

بۇل تاعايىنداۋدى ق ر ءبىلىم جانە عىلىم ءمينيسترى اسحات ايماعامبەتوۆ راستادى.

«بۇل، قۇقىقتىق الاڭدا شەشىلەتىن ماسەلە. مۇندا بىلىكتىلىك تالاپتارى بولادى، سايكەس پروتسەدۋرالار جۇرگىزىلەدى. ەگەر پروتسەدۋرالار بارلىق تالاپقا ساي بولسا، شەشىم قابىلدانادى. بۇل جاعدايدا ناقتى شەشىم قابىلداندى. مۇنى مەن راستايمىن»، - دەپ جاۋاپ بەردى مينيستر بۇگىن ورتالىق كوممۋنيكاتسيالار قىزمەتىندە تىلشىلەردىڭ سۇراعىنا.

ەسكە سالا كەتسەك، تامىز ايىندا ق ر ب ع م اكىمشىلىك جۇمىس جانە مەملەكەتتىك ساتىپ الۋ دەپارتامەنتىنىڭ ديرەكتورى انار قايىربەكوۆا اتالمىش ۆەدومستۆونىڭ جاۋاپتى حاتشىسى ارىن ورساريەۆتى، ۆيتسە-مينيسترلەر رۇستەم بيعاري مەن فاتيما جاقىپوۆالاردى قىزمەت كورسەتۋ تۋرالى كەلىسىمگە قول قويۋدا جەمقورلىققا جول بەردى دەپ ايىپتاعان بولاتىن.

ايىپتاۋلارعا ر. بيعاري جاۋاپ بەرىپ، بۇل ارەكەتتى «مەديابوپسا» دەپ اتادى.

ال 12- قازاندا مەملەكەت باسشىسىنىڭ وكىمىمەن ا. ورساريەۆ ق ر ءبىلىم جانە عىلىم مينيسترلىگىنىڭ جاۋاپتى حاتشىسى قىزمەتىنەن بوساتىلدى.

وسى رەتتە تىلشىلەر مينيسترگە: «جاۋاپتى حاتشىنىڭ كەتۋى ق ر ب ع م دەپارتامەنتىن باسقارعان انار قايىربەكوۆانىڭ قىزمەت كورسەتۋ كەلىسىمشارتى تۋرالى ايىپتاۋىمەن بايلانىستى ما؟»، - دەگەن سۇراق قويدى.

«جاۋاپتى حاتشىعا كەلسەك، ەكى وقيعانىڭ ءبىر-بىرىمەن بايلانىستى دەپ ايتا المايمىن»، - دەدى ا. ايماعامبەتوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات