ساياسات ساحناسىندا جۇرگەن كوپبالالى اكەلەر كىمدەر

نۇر-سۇلتان. قازاقپارات - قازاقستاندا كامەلەتكە تولماعان ءتورت بالاسى بار وتباسى - كوپبالالىلار قاتارىنا جاتادى.

ولاردىڭ تىزىمىنە قاراپايىم حالىق قانا ەمەس، جوعارى لاۋازىمدى قىزمەت اتقارىپ جۇرگەن تۇلعالار دا بار دەپ جازادى Sputnik قازاقستان.

باۋىرجان بايبەك

ساياساتتا جۇرگەن كوپبالالى اكەلەردىڭ ءبىرى - «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك. 45 جاستاعى اكە بەس بالا تاربيەلەپ وتىر. جۇبايى - جانار بايبەك.

عابيدوللا ءابدىراحىموۆ

شىمكەنتتىڭ ەكس- اكىمى عابيدوللا ءابدىراحىموۆتىڭ 4 بالاسى بار: اسەل (1998)، ادەليا (2003)، التىناي (2009) جانە ءاليحان (2004). جۇبايىنىڭ اتى- ءجونى -  دانارا ءابدىراحىموۆا.

ماعزۇم مىرزاعاليەۆ

ەل دەموگرافياسىنا ۇلەس قوسىپ جۇرگەندەردىڭ ءبىرى - ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ. 40 جاستاعى شەنەۋنىك جۇبايى ايىم مىرزاعاليەۆامەن 5 بالا تاربيەلەپ وتىر.

ەلجان ءبىرتانوۆ

كوپبالالى اتقامىنەرلەر تىزىمىنە دەنساۋلىق ساقتاۋ ءمينيسترى ەلجان ءبىرتانوۆ تا جاتادى. مينيستر قازىر 48 جاستا، 4 بالاسى بار.

جەڭىس قاسىمبەك

وبلىس اكىمدەرىنىڭ اراسىندا دا كوپبالالى اكەلەر بارشىلىق. سونىڭ ءبىرى - ءبىر اي بۇرىن قاراعاندى وبلىسىنىڭ اكىمى بولىپ تاعايىندالعان جەڭىس قاسىمبەك.

44 جاستاعى شەنەۋنىكتىڭ اقەركە، جانسايا، ءلايلىم جانە ءمادي ەسىمدى ءتورت بالاسى بار. جۇبايى - اقجان قاسىمبەك.

نۇرلان نوعايەۆ

اتىراۋ وبلىسى اكىمىنىڭ 5 ۇلى جانە ءبىر قىزى بار. ايەلى - باعداگۇل احمەتوۆا.

52 جاستاعى نۇرلان نوعايەۆ اتىراۋ وبلىسىن 2016-جىلدىڭ كوكتەمىنەن بەرى باسقارادى. وسىعان دەيىن باتىس قازاقستان وبلىسىنىڭ اكىمى بولعان.

قۋانىشبەك ىسقاقوۆ

وسى جازدا قىزىلوردا وبلىسىنىڭ اكىمى بولعان قۋانىشبەك ىسقاقوۆ تا كوپبالالى ساياساتكەرلەردىڭ قاتارىندا. 51 جاستاعى ءوڭىر باسشىسىنىڭ 5 بالاسى بار.

سەرىكباي تۇرموۆ

ماڭعىستاۋ وبلىسىنىڭ اكىمى دە 5 بالا تاربيەلەپ وسىرگەن. 55 جاستاعى اتقامىنەر ماماندىعى بويىنشا ينجەنەر-قۇرىلىسشى.

تۇرموۆ ماڭعىستاۋ وبلىسىنىڭ اكىمى قىزمەتىنە 2019-جىلدىڭ 13- ماۋسىمىندا تاعايىندالعان بولاتىن. ءار جىلدارى ماڭعىستاۋ وبلىسى ءتۇپقاراعان اۋدانىنىڭ اكىمى، ماڭعىستاۋ وبلىسى اكىمىنىڭ ورىنباسارى، جاڭاوزەن اكىمى، اقتاۋ اكىمى، ماڭعىستاۋ وبلىستىق ماسليحاتتىڭ حاتشىسى قىزمەتتەرىن اتقارعان.

بولات باقاۋوۆ

پاۆلودار وبلىسىن باسقاراتىن بولات باقاۋوۆ -  بەس بالانىڭ اكەسى. 48 جاستاعى شەنەۋنىك ءار جىلدارى اقسۋ قالاسىنىڭ اكىمى، پاۆلودار قالاسىنىڭ اكىمى، پاۆلودار وبلىستىق ءماسليحاتىنىڭ دەپۋتاتى قىزمەتتەرىن اتقاردى. ءبىر كەزدەرى جەكە كاسىپكەر دە بولعان.

قۇمار اقساقالوۆ

سولتۇستىك قازاقستان وبلىسىنىڭ اكىمى قۇمار اقساقالوۆتىڭ دا 5 بالاسى بار. 54 جاستاعى اقساقالوۆ وبلىستى 2017-جىلدىڭ 14- ناۋرىزىنان بەرى باسقارادى. ءار جىلدارى جامبىل وبلىسى اكىمىنىڭ ورىنباسارى، قازاقستان پرەزيدەنتى اكىمشىلىگى باسشىسىنىڭ ورىنباسارى قىزمەتتەرىن اتقارعان.