مەكەنجاي انىقتاماسى بەرىلمەيدى: قازاقستاندىقتارعا نەنى ءبىلۋ كەرەك؟
بۇل قۇجاتتان باس تارتۋعا شەشىم قابىلداندى، سەبەبى ول «بيۋروكراتيا ەسكىلىگى». «ازاماتتارعا ارنالعان ۇكىمەتتىڭ» باسقارۋشى ديرەكتورى مۇرات جۇمانباي ءدال وسىنداي پىكىردە دەپ حابارلايدى KAZ. NUR. KZ.
ەندى جۇمىسقا ورنالاسقان كەزدە مەكەنجاي انىقتاماسىن قالاي ۇسىنۋ كەرەك؟ ۆيزاعا قۇجاتتاردى قالاي تاپسىرۋ كەرەك؟ مەكتەپتە تىركەلگەن مەكەنجايدى قالاي دالەلدەۋگە بولادى دەگەن سياقتى تاعى باسقا دا سۇراقتار ەلىمىزدىڭ كوپتەگەن تۇرعىندارىن مازالاپ جاتقانى بەلگىلى.
بۇل سۇراقتارعا مۇرات جۇمانباي ءوزىنىڭ Facebook پاراقشاسىندا جاۋاپ بەردى.
ماماننىڭ ايتۋىنشا، بارلىق مەملەكەتتىك ورگاندار اتالعان قۇجاتتان باس تارتۋعا ازىرلەنىپ، «نيۋانستاردى رەتتەۋى» ءتيىس بولاتىن.
«مەكەنجاي انىقتاماسى الىنادى، ءبىراق تۇرعىلىقتى جەرى بويىنشا تىركەۋ تۋرالى تالاپتار قالادى. قازاقستاندىقتار وزدەرىنىڭ تىركەلگەن جەرىن egov.kz ەلەكتروندى ۇكىمەت پورتالىندا جەكە كابينەتتەن تەكسەرە الادى.
مەملەكەتتىك ورگاندار مەن ۇيىمدار قاجەتتى ماعلۇماتتاردى اۆتوماتتى تۇردە ءى ءى م مالىمەتتەر بازاسىنان الا الادى.
وزگە ۇيىمدار، سونىڭ ىشىندە ءى ءى م مالىمەتتەر بازاسىنا كىرە المايتىن جەكە كومپانيالار ازاماتتىڭ تىركەلگەن جەرى بويىنشا ماعلۇمات الۋدىڭ جاڭا قىزمەتىن پايدالانا الادى»، - دەلىنگەن پوستتا.
بۇدان بولەك، مۇرات جۇمانبايدىڭ سوزىنە قاراعاندا، مۇددەلى تاراپ قاجەتتى مالىمەتتى الۋ ءۇشىن ساۋال جولدايدى، ال قىزمەت كورسەتىلىپ جاتقان ازامات س م س ارقىلى بۇل ساۋالدى راستاۋى قاجەت.