قاراعاندىدا العاش رەت ارالاس جەكپە-جەكتەن اشىق ازيا چەمپيوناتى ءوتتى
ءىس-شارانى NOMAD MMA بۇكىل الەمدىك فەدەراتسياسى مەن قازاقستان رەسپۋبليكاسىنىڭ مادەنيەت جانە سپورت مينيسترلىگى ۇيىمداستىردى.
جارىسقا 10 جانە ودان جوعارى جاستاعى 632 سپورتشى قاتىستى. ازيا چەمپيوناتىندا قازاقستان، قىرعىزستان، تاجىكستان، وزبەكستان، رەسەي، بانگلادەش، اۋعانستان، پاكىستان، يران جانە ءازىربايجاندا وتكەن ىرىكتەۋ تۋرنيرلەرىنىڭ جەڭىمپازدارى باس قوسىپ، باق تالاستىردى.
ۇيىمداستىرۋشىلاردىڭ ايتۋىنشا، بۇل سپورت تۇرىندە سپورتشىلاردىڭ قاۋىپسىزدىگىنە باستى نازار اۋدارىلادى. شەكتەۋلەر مەن ەرەجەلەر بويىنشا ۇلكەن جۇمىستار جۇرگىزىلۋدە. م م ا- دا مەكتەپ جاسىنداعى سپورتشىلار وتە كوپ بولعاندىقتان وسىنداي شارالار قولدانىلادى. مۇنىڭ بارلىعىن جاڭا سپورت ءتۇرىن كورۋگە جانە ءوز ەلدەرىندە NOMAD م م ا ودان ءارى دامىتۋ تۋرالى كەلىسسوزدەر جۇرگىزۋگە كەلگەن شەتەلدىك وكىلدەر اتاپ ءوتتى.
ايتا كەتۋ كەرەك، كەلەسى جىلى الەم چەمپيوناتىنا قاتىسۋعا 20 دان استام ەل نيەت ءبىلدىردى.
«بۇگىنگى جارىسقا كەلگەن ەلدەردىڭ وكىلدەرى بارلىعىمىزعا ازيا ويىندارى مەن يسلام ويىندارىنا بىرىگۋ جانە كىرۋ كەرەكتىگى تۋرالى بىزبەن كەلىسسوزدەر جۇرگىزدى. ولارعا ءبىزدىڭ جەكپە-جەكتە سپورتقا باستى نازار اۋدارىلاتىنى، فيزيكالىق فاكتورلار دا ەسكەرىلەتىنى ۇنادى»، - دەدى NOMAD MMA فەدەراتسياسىنىڭ پرەزيدەنتى گادجي گادجيەۆ.
NOMAD MMA ازيا فەدەراتسياسىنىڭ وكىلدەرى كەلەسى جىلى ازيا چەمپيوناتىن يران مەن پاكىستاندا وتكىزۋدى ۇسىندى.
«وتكەن جىلدان باستاپ ءبىز كوپتەگەن جارىستار ۇيىمداستىردىق. پاكىستاندا NOMAD MMA ۇيىمى بار. بۇل سپورت ءتۇرى ءوز ەرەجەلەرى، ۇيىم دەڭگەيى بويىنشا دا وتە ۇنايدى. سونىمەن قاتار، ءبىز قازاقستاندىق سپورت ءتۇرى جاپونيادا كاراتە، كورەيادا تاەكۆوندو سەكىلدى دامىپ كەلە جاتقانىن كورىپ وتىرمىز. ءبىز NOMAD MMA جەكپە-جەگى وليمپيادا ويىندارى دەڭگەيىندە بولادى دەپ جوسپارلاپ وتىرمىز. ارينە، ول ءۇشىن جاتتىقتىرۋشىلار مەن تورەشىلەرگە، سپورتشىلار ءۇشىن جاۋىنگەرلىك جۇيە بويىنشا سەمينارلار وتكىزۋ قاجەت. سونداي-اق ۇيىمدا جىلدىق جوسپار بولۋى ءتيىس، وعان سايكەس ءار ءتورت اي سايىن وسى سەمينارلاردى ءارتۇرلى ەلدەردە وتكىزۋ قاجەت. NOMAD MMA قازاق سپورت مادەنيەتىنىڭ ۇلگىسى بولىپ تابىلادى»، - دەدى NOMAD MMA ازيا فەدەراتسياسىنىڭ پرەزيدەنتى زاحير حۋسەين سالۆەري.
سونىمەن قاتار، قازاقستاندىق سپورتشىلار باسقا دا جارىستارعا شاقىرتۋ الدى.
«قاڭتار ايىندا ساۋد ارابياسىندا «كوشپەندىلەر شايقاسى» وتەدى. بۇل جەكپە-جەك ءتۇرى قازاق جەرىندە بۇرىننان بولماعانىمەن تانىمال سپورت تۇرىنە اينالدى. ءبىزدىڭ بالالار 10 جىلدان استام وسى سپورت تۇرىمەن اينالىسادى. سوندىقتان ءبىز قاتىسۋعا شەشىم قابىلدادىق»، - دەدى NOMAD MMA فەدەراتسياسىنىڭ پرەزيدەنتى گادجي گادجيەۆ.
ازيا چەمپيوناتىندا سپورتشىلار 60 سانات بويىنشا جارىستى. جالپى كوماندالىق ەسەپتە 46 «التىن»، 44 «كۇمىس» جانە 44 قولا مەدال الىپ، بارلىعى 135 مەدالمەن قازاقستاندىق سپورتشىلار ءبىرىنشى ورىندى يەلەندى. ەكىنشى ورىندا 15 مەدال العان رەسەيلىكتەر بولدى. ونىڭ 7 ۋى التىن، 5 ۋى كۇمىس جانە 4 ۋى قولا. ءۇشىنشى ورىنعا 11 مەدالمەن پاكىستان قۇراماسى تۇراقتادى.