+7 (701) 759 90 19
-1 °С : نۇر-سۇلتان
4 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

باتاگوي قاريالاردىڭ بايقاۋى ءوتتى

21 قازان 15:55
:ءبولىسۋ
باتاگوي قاريالاردىڭ بايقاۋى ءوتتى

كەلەس. قازاقپارات - تۇركىستان وبلىسى، كەلەس اۋدانىندا باتاگوي قاريالاردىڭ «اتاڭ بەرگەن اق باتا» اتتى بايقاۋى ءوتتى.

ەلباسىنىڭ «بولاشاققا باعدار: رۋحاني جانعىرۋ» باعدارلامالىق ماقالاسىنىڭ اياسىندا ۇيىمداستىرىلعان شاراعا اۋداننىڭ ءار وكرۋگىنەن 15 باتاگوي، اۋزى دۋالى ەل اعاسى قاتىستى، دەپ حابارلايدى قازاقپارات ءتىلشىسى.


مادەنيەت ۇيىندە ۇيىمداستىرىلعان شارا ەل اراسىنان باتاگوي، اۋزى دۋالى قاريالاردى تابۋ مەن باتا بەرۋدى ناسيحاتتاۋ ماقساتىندا ءوتتى. سونداي-اق، وسكەلەڭ ۇرپاققا باتانىڭ تاربيەلىك ءمانىن ءتۇسىندىرۋ مەن ادەت-عۇرپىمىزدى دامىتۋعا، ۇمىتىلا باستاعان باتا بەرۋ ءداستۇرىن جاڭعىرتۋعا باعىتتالدى. سايىستا قاريالار وسكەلەڭ ۇرپاققا باتانىڭ قازاق تۇرمىسىنداعى ەرەكشە ورنى مەن قاسيەتىن دارىپتەپ، كوپشىلىكتىڭ ىقىلاسىنا بولەندى.


سالتاناتتى شاراعا قاتىسقان اۋدان اكىمى اقمەنتاي ەسبايەۆ جارىسقا قاتىسىپ جاتقان باتاگوي ەل اعالارىنا العىسىن ايتتى.

«ەجەلدەن داناگوي حالقىمىز «اتاڭنان بوتا ەمەس، باتا قالسىن» دەپ ۇرپاق تاربيەسىندە باتانىڭ ماڭىزدىلىعىن تۇسىندىرگەن. سىزدەر وسكەلەڭ جاس ۇرپاقتىڭ تاربيەسىنە سالت-ءداستۇرىمىز بەن كەشەگى وتكەن بابالارىمىزدىڭ قالدىرعان وسيەتىن بۇگىنگە جەتكىزۋشى التىن كوپىر بولىپ وتىرسىزدار. سول ءۇشىن سىزدەرگە ەرەكشە العىسىمدى بىلدىرەمىن!»، - دەدى اقمەنتاي ەسبايەۆ.


بايقاۋ بارىسىندا قاتىسۋشىلار وزدەرىن تانىستىرىپ، باتالارىن ايتتى. قازاق حالقىنىڭ سالت-داستۇرىندەگى ۇمىت بولا باستاعان ادەت-عۇرىپتار مەن ىرىم-تيىمدار سىندى سۇراقتارعا جاۋاپ بەردى. شارا سوڭىندا جۇلدەلى ورىن العان قاريالارعا اۋدان باسشىسى ەستەلىك سىيلىقتارمەن ماراپاتتالىپ، ولارعا ەستەلىك كادە-سىيلار تابىستالدى.


اۆتور: اينۇر اقبايەۆا


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات