13:44, 21 - قازان 2019 | GMT +6
قاسىم- جومارت توقايەۆ: ءتىل ماماندارى جاڭا ءالىپبيدى جەتىلدىرۋى كەرەك
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ مادەنيەت جانە سپورت ءمينيسترى ا. رايىمقۇلوۆاعا جاڭا ءالىپبيدى جەتىلدىرۋ جونىندە تاپسىرما بەردى.
بۇل تۋرالى ق ر پرەزيدەنتى ءوزىنىڭ Twitter- دەگى پاراقشسىندا جازدى، دەپ حابارلايدى قازاقپارات.
«ءالىپبيدى لاتىن قارپىنە كوشىرۋ تۋرالى تاريحي شەشىمنىڭ قابىلدانعانىنا ەكى جىلعا جۋىقتادى. ءبىراق قارپىمىزدە ءالى دە ولقىلىقتار بار. ءتىل ماماندارى جاڭا ءالىپبيدى جەتىلدىرۋى كەرەك. مادەنيەت جانە سپورت ءمينيسترى ا. رايىمقۇلوۆاعا ءتيىستى تاپسىرما بەردىم. الدىمىزدا اۋقىمدى جۇمىس تۇر»، - دەپ جازدى قاسىم- جومارت توقايەۆ.