+7 (701) 759 90 19
-19 °С : نۇر-سۇلتان
1 °С : الماتى
USD 388.49 EUR 427.26
RUB 6.06 CNY 55.32
جاڭالىقتار

ءبىلىم ءمينيسترى: الىپپەگە قاتىستى جۇمىس توبى قۇرىلدى

21 قازان 14:26
:ءبولىسۋ
ءبىلىم ءمينيسترى: الىپپەگە قاتىستى جۇمىس توبى قۇرىلدى

نۇر- سۇلتان. قازاقپارات – ق ر ءبىلىم جانە عىلىم مينيسترلىگى الىپپەگە قاتىستى ارنايى جۇمىس توبىن قۇردى. بۇل تۋرالى پارلامەنت ماجىلىسىندەگى ۇكىمەت ساعاتىندا ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

«الىپپەگە قاتىستى ماسەلە كوپتەن بەرى كوتەرىلىپ ءجۇر. بۇل شىن مانىنە وتە ماڭىزدى. بيىل تامىز كەڭەسىندە وسى ماسەلەگە جەكە توقتالدىق. قازىر ءتيىستى جۇمىس توبى قۇرىلدى. ءبىزدىڭ ايتىپ وتىرعانىمىز، الىپپەنى مەكتەپكە ەنگىزۋ كەرەك جانە وندا ەشقانداي ەكسپەريمەنت كەرەك ەمەس. احمەت بايتۇرسىنوۆتىڭ ادىستەمەسى بار، سول ادىستەمەدەن باسقا ەشتەڭە ويلاپ تابۋ قاجەت ەمەس»، - دەدى مينيستر ءبىلىم بەرۋدى جانە عىلىمدى دامىتۋدىڭ 2016-2019 -جىلدارداعى باعدارلامانىڭ ىسكە اسىرىلۋىن تالقىلاۋ بارىسىندا.

سونىمەن قاتار ا. ايماعامبەتوۆ وقۋلىقتاردى دايارلاۋ، تالداۋ شارالارىنا سىن ايتىلىپ جاتقانىن اتاپ ءوتتى. وسى ماسەلەلەردى شەشۋ ءۇشىن قازىرگى ۋاقىتتا ق ر ءبىلىم جانە عىلىم مينيسترلىگى وقۋلىقتاردىڭ ساپاسىن جاقسارتۋ جانە ساراپتاۋ تەتىگىن جاڭارتۋ بويىنشا جۇمىس جۇرگىزىپ جاتىر. سونداي- اق اۆتورلار مەن ساراپشىلاردى وقىتۋ، وقۋلىقتارعا «جاسىرىن» شولۋ جاساۋ، ساراپشىلاردى سەرتيفيكاتتاۋ ۇيىمداستىرىلادى.

اۆتور: رۋسلان عابباسوۆ


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات