+7 (701) 759 90 19
-19 °С : نۇر-سۇلتان
1 °С : الماتى
USD 388.49 EUR 427.26
RUB 6.06 CNY 55.32
جاڭالىقتار

ەلگە قايتارادى دەگەندى ەستىپ، لاگەرگە ءۇش كۇن جاياۋ ءجۇرىپ جەتتىم - سيريادان ورالعان ايەل

21 قازان 11:49
:ءبولىسۋ
ەلگە قايتارادى دەگەندى ەستىپ، لاگەرگە ءۇش كۇن جاياۋ ءجۇرىپ جەتتىم - سيريادان ورالعان ايەل

الماتى. قازاقپارات - «جۋسان» گۋمانيتارلىق وپەراتسياسى سيريا ەلىندەگى وق پەن وتتىڭ ورتاسىندا قالعان قانداستارمىزدى، وتانىنا قايتارۋدا. ونى ەلىمىزدىڭ ۇلتتىق قاۋىپسىزدىك كوميتەتى مەن مەملەكەتتىك ورگاندارى حالىقارالىق ارىپتەستەرىمەن بىرلەسىپ اتقارىپ جاتىر. قازىر ەلگە ورالعانداردىڭ العىستان باسقا ايتارلارى جوق. ءبارى قايتادان باقىتتى عۇمىر كەشۋگە اركەتتەنىپ جاتىر.

سالتانات سيريانى جۇماق ساناپ كەتكەن كوپتىڭ ءبىرى. الايدا سەنىمى اقتالمادى. اشتىق پەن سوعىستىڭ ورتاسىنا ءتۇسىپ، ءومىرى سەرگەلدەڭگە اينالدى. ەڭ سوراقىسى، باۋىر ەتى بالاسىنان ايىرىلدى. ەندى امان قالعان ۇل- قىزدارىن قازاقستاندا ءوسىرىپ، وتانىنا ادال ازامات ەتىپ تاربيەلەۋگە نيەتتى.

«قىزدار كۇلىپ، بەس جىلدان كەيىن ءومىرىڭدى قالاي ەلەستەتەسىڭ دەپ سۇرايدى. مەن تولىق ەم الىپ، تابىستى بيزنەس- لەدي بولامىن. جەكە اۆتوكولىگىم، كاسىبىم بولادى دەپ جاۋاپ قايتاردىم»، - دەيدى سالتانات.

شام ەلىندە سالتانات مىنانى ءتۇسىنىپتى. ءوز ەلىڭ مەن جۇرتىڭدى ءسۇيۋىڭ كەرەك. وزگەلەر دە سەنى قۇرمەتتەپ سىيلاسىن دەسەڭ، وسەك- وتىرىكتەن اۋلاق بولۋ ماڭىزدى. سەبەبى ول جاقسىلىققا اپارمايدى.

«مەنىڭ سيرياداعى بەس جىل ءومىرىم وكسىكپەن، وكىنۋمەن ءوتتى. مەن شاراسىز كۇيدە قالدىم. جولداسىم ءوزىن- ءوزى جارىپ جىبەردى. ۇلكەن ۇلىم اۋىر دەرتكە شالدىعىپ سول جاقتا قايتىس بولدى. كىم بىلەدى، ەگەر كۇيەۋىمە سەنىپ سول جاققا بارماسام ۇلىم امان- ەسەن جانىمدا جۇرەر ەدى عوي. ونى ەمدەتە المادىم، ايىرىلىپ قالدىم»، - دەپ جىلادى ول.

«جۋسان» وپەراتسياسى تۋرالى ەستىگەن سالتانات، قالىپ قالمايىن دەپ لاگەرگە ءۇش كۇن بويى توقتاماي جاياۋ ءجۇرىپ جەتكەن.

«قازاقستانعا قايتارامىز دەگەندى ەستىگەندە قۋانىشتان جىلادىم. سول كوشتەن قالىپ قويمايىن دەپ لاگەرگە بارىنشا اسىعىپ كەلدىم. بالالارىما: «ءسال شىداساڭدار، ەلگە ورالامىز، قيىن كۇندەرىمىز ارتتا قالادى. تەك شىدامدىلىق تانىتىپ، مەنىڭ ايتقانىمدى ىستەڭدەر»، - دەدىم. ءۇش كۇن جاياۋ ءجۇرىپ كەلدىك. اللاعا شۇكىر، قازىر ءوز ەلىمىزدەمىز»، - دەدى سيريادان ورالعان كەلىنشەك.

قازىر سالتانات بالالارىمەن بىرگە وڭالتۋ ورتالىعىندا. ونىمەن ارنايى ماماندار جۇمىس ىستەپ جاتىر.

«سيريادان كەلگەندەرمەن پسيحولوگ، تەولوگتار جۇمىس ىستەپ، قوعامعا دايىنداپ جاتىر. سىرتتا ءجۇرىپ، ۇمىتىڭقىراعان انا ءتىلىن دە وسى جەردە ۇيرەتەدى. مۇندا كەلگەندەردىڭ كوبى تۇيىقتالىپ قالعان. ونداعى ءومىر تۋرالى مۇلدە ايتقىلارى كەلمەيدى. ويتكەنى ازاپتى كۇندەر كەشكەن. سوعىستا ءجۇرىپ جاس كەلىنشەكتەر باۋىر ەتى بالاسىنان ايىرىلعان. ولاردىڭ جان دۇنيەسىن ەمدەۋ ءۇشىن بارىمىزدى سالامىز»، - دەيدى پسيحولوگ روزا ايتجانوۆا.

العاشقى لەكپەن وتانعا ورالعانداردىڭ كوبىسى جۇمىسقا ورنالاستى. بالالارىنا قۇجات الىپ، بالاباقشاعا بەرىپ جاتىر. ايتا كەتۋ كەرەك، «جۋسان» وپەراتسياسى شاراپاتى مول شاراعا اينالدى.

اۆتور: الما مۇقانوۆا


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات