اۆتوبۋس جۇرگىزۋشىلەرى جولدان قۇلاققاپ كيىپ وتەتىندەرگە الاڭدايدى

None
None
پەتروپاۆل. قازاقپارات - سولتۇستىك قازاقستان وبلىسىنىڭ پوليتسەيلەرى قوعامدىق كولىك جۇرگىزۋشىلەرىمەن وزەكتى ماسەلەلەردى تالقىلادى، دەپ حابارلايدى قازاقپارات.

پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، بۇل كەزدەسۋدىڭ ماقساتى - جولاۋشىلار تاسىمالىندا ءتارتىپ ورناتۋ.

«پەتروپاۆلدىق جۇرگىزۋشىلەر كوشەدە قۇلاققاپ كيىپ نەمەسە قالتا تەلەفونىمەن سويلەسىپ جۇرەتىندەردىڭ الاڭداتاتىندىقتارىن ايتتى. قالالىقتاردىڭ مۇنداي جاۋاپسىزدىقتارى اپاتقا ۇرىندىرۋى ىقتيمال. بۇل كۇنى بويى رۋلدە وتىراتىن جۇرگىزۋشىلەردىڭ قالىپتى جۇمىس ىستەۋلەرىنە كەدەرگى كەلتىرەدى»، - دەپ اتاپ ءوتتى باسپا ءسوز قىزمەتىندە.

سونداي-اق كوكتايعاقتىڭ باستالۋى دا ايالدامالاردا قوسىمشا قيىندىقتار تۋدىرادى. سوعان بايلانىستى جۇرگىزۋشىلەر ۇدايى قۇم مەن تۇز ارالاسقان قوسپا سەبۋدى ءوتىندى.

«كەزدەسۋدە قوزعالعان بارلىق ماسەلەلەردى پوليتسيا باقىلاۋعا الاتىن بولادى. بۇنداي جۇزدەسۋلەر جول قاۋىپسىزدىگىن ارتتىرۋعا ءوز كومەگىن تيگىزەتىندىگى ءسوزسىز»، - دەيدى باسپا ءسوز قىزمەتىندە.

اۆتور: ولەسيا جۋكوۆەن

سوڭعى جاڭالىقتار