ەلوردا جاتاقحانادا تۇرىپ جاتقان مۇعالىمدەر ءۇشىن ارەندا قۇنى تومەندەتىلەدى

None
None
نۇر-سۇلتان. قازاقپارات - ەلوردا اكىمى التاي كولگىنوۆ جاڭادان سالىنعان جاتاقحانالاردا مۇعالىمدەردىڭ قالاي ءومىر سۇرەتىنىمەن جانە ءبىلىم بەرۋ نىساندارىنىڭ قۇرىلىس جۇمىستارىمەن تانىستى، دەپ حابارلايدى قازاقپارات اكىمنىڭ باسپا ءسوز قىزمەتىنە سىلتەمە جاساپ.

قالانى كەشكىلىك ارالاۋ كەزىندە ەلوردا اكىمى №40، №8 جانە №60-مەكتەپكە باردى. ولاردىڭ اۋماعىندا جاڭا ءبىلىم نىساندارى بولادى. مەكتەپتەردە سالىنىپ جاتقان جاڭا عيماراتتار ءۇش اۋىسىمدى وقىتۋدان ەكى اۋىسىمدى وقىتۋعا كوشۋگە مۇمكىندىك بەرەدى. مەكتەپتەردىڭ شامادان تىس جۇكتەمەسىن جەڭىلدەتەدى جانە جاڭا وقۋشى ورىندارىمەن قامتيدى. تاپسىرۋ مەرزىمى 2020 -جىل.

سونداي-اق، قالا اكىمى جاڭا جاتاقحانادا تۇراتىن ۇستازدارمەن كەزدەستى. جاس مۇعالىمدەردىڭ ءومىر سۇرۋىنە ارنالعان ىڭعايلى ورتالىق بيىل كۇزدە اشىلدى، 350 ورىنعا شاقتالعان.

ورتالىقتا شاحمات، ۇستەل تەننيسى، كىتاپحانا، اسحانا جانە وقۋ سىنىپتارى بار. كەزدەسۋ بارىسىندا مۇعالىمدەر ەلوردا اكىمىنەن 17 مىڭ تەڭگەنى قۇرايتىن جالداۋ قۇنىن تومەندەتۋدى سۇرادى. التاي كولگىنوۆ بۇل باستامانى قولدادى.

سوڭعى جاڭالىقتار