+7 (701) 759 90 19
-2 °С : نۇر-سۇلتان
-3 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

جۋىردا «قازاق فيلم» بىرنەشە قىزىقتى فيلم شىعارماق

21 قازان 08:58
:ءبولىسۋ
جۋىردا «قازاق فيلم» بىرنەشە قىزىقتى فيلم شىعارماق

الماتى. قازاقپارات - ش. ايمانوۆ اتىنداعى «قازاق فيلم» ا ق جۋىردا كينوسۇيەر قاۋىمدى بىرنەشە كوركەم جانە دەرەكتى فيلممەن قۋانتپاق، دەپ حابارلايدى قازاقپارات ءتىلشىسى.

جۇرت تاعاتسىزدانا كۇتىپ جۇرگەن كوركەم فيلمدەردىڭ ءبىرى - شاكەن ايمانوۆتىڭ 1957 -جىلى شىققان «ءبىزدىڭ سۇيىكتى دارىگەر» مۋزىكالىق كومەدياسىنىڭ ەكىنشى ءبولىمى. جاڭا كارتينانىڭ رەجيسسەرى - اسقار بيسەمبين. فيلم شامامەن 2021 -جىلدىڭ كوكتەمىندە پروكاتقا شىعادى.

2020 -جىلدىڭ اياعىندا رەجيسسەر ساتىبالدى نارىمبەتوۆتىڭ «ۇزاق جاڭعىرىق» كوركەم فيلمى كورەرمەنگە جول تارتادى. كارتينادا پولياك جازۋشىسى، قازاقستانعا جەر اۋدارىلعان توڭكەرىسشى، دالانىڭ ەتنوگرافيالىق قۇندىلىقتارىن جيناعان ادولف يانۋشكەۆيچتىڭ تاعدىرى ءسوز بولادى.

قازىر كينوستۋديادا رەجيسسەر بولات قالىمبەتوۆتىڭ «مۇقاعالي» فيلمى ءتۇسىرىلىپ جاتىر. فيلم قازاقتىڭ اقيىق اقىنى مۇقاعالي ماقاتايەۆتىڭ بۇلتارىس-قالتارىسقا تولى تاعدىرىنا، شىعارماشىلىعىنا ارنالعان. فيلم كەلەر جىلدىڭ اياعىنا قاراي ۇلكەن ەكرانعا شىعادى.

بيىل قىسقا قاراي ەكى دەرەكتى فيلم كورەرمەنگە جول تارتادى. ا. كامەنسكيدىڭ «نۇركەن ءابدىروۆ. ماڭگىلىك ءومىر شىڭىنا» دەرەكتى فيلمىندە ميلليونداعان ادام قاتىسقان سوعىس ارقىلى ادام تاعدىرى سۋرەتتەلەدى. ءفيلمنىڭ باس كەيىپكەرى - ەرلىك پەن باتىلدىقتىڭ سيمۆولىنا اينالعان قاھارمان باتىر نۇركەن ءابدىروۆ.

ب. قايىربەكوۆتىڭ «كەرەي جىلقىسى» قازاق حالقىنىڭ قاناتى - جىلقىعا ارنالادى.

ايتا كەتەيىك، 27 -قىركۇيەكتەن باستاپ ق ر مادەنيەت جانە سپورت مينيسترلىگىنىڭ تاپسىرىسىمەن «قازاقفيلم» كينوستۋدياسى Sataifilm كومپانياسىمەن بىرگە تۇسىرگەن «توميريس» فيلمى كورسەتىلىپ جاتىر.

اۆتورى ەلامان تۇرىسبەكوۆ


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات