چيليدە توتەنشە جاعداي جاريالاندى
The Santiago Times باسىلىمىنىڭ حابارلاۋىنشا، ەل پرەزيدەنتى سەباستيان پينەرا ەلدەگى قاۋىپسىزدىكتى قامتاماسىز ەتۋدى ارميانىڭ قولىنا سەنىپ تاپسىرعان، سانتياگو مەتروسىنىڭ بارلىق ستانساسى جابىلعان.
«توتەنشە جاعداي ەنگىزۋدەگى ماقسات - قوعامدىق ءتارتىپتى قامتاماسىز ەتۋ جانە سانتياگو قالاسىنىڭ تۇرعىندارىنىڭ قاۋىپسىزدىگىن ساقتاۋ»، - دەدى پرەزيدەنت ورتالىق تەلەارنا ەفيرىنەن.
ستۋدەنتتەر مەترودا ءجۇرۋ تاريفىنىڭ %4 عا كوتەرىلۋىنە قارسى. اپتا باسىنان بەرى جۇزدەگەن ستۋدەنت كوشەگە شىعىپ، مەترو ستانسالارىندا نارازىلىق اكسيالارىن وتكىزگەن. اپتا سوڭىنا قاراي جاعداي ۋشىعىپ، مەترونىڭ جەتى ستانساسىنا وت قويىلعان.
بۇدان بولەك، بانك بولىمشەلەرى مەن سۋپەرماركەتتەر تونالعان، قالا كوشەلەرىندە جەر-جەردە تارتىپسىزدىكتەر جالعاسىپ جاتىر.
ەرەۋىل سالدارىنان، كەي دەرەكتەرگە قاراعاندا، 57 پوليتسەي زارداپ شەگىپ، 180 ادام ۇستالعان.