جالقاۋلىقتان ارىلۋ جولدارى

نۇر-سۇلتان. قازاقپارات - تابىسقا جەتۋگە، ارماندى ورىنداۋعا بوگەت بولاتىن قاسيەت -  جالقاۋلىق.

ودان ارىلۋ مۇمكىن بە؟ تومەندە ءبىز سىزدەرگە جالقاۋلىقتان قۇتىلۋدىڭ بىرنەشە ءادىسىن ۇسىنامىز.

1. دەمالىپ، ۇيقى قاندىرىڭىز. تابىستى جۇمىس ىستەۋ ءۇشىن جاقسىلاپ دەمالۋ كەرەك.

2. جوسپار قۇرىڭىز. بۇل ءسىزدىڭ اتقاراتىن ىستەرىڭىزدى جۇيەگە كەلتىرىپ، ۋاقىتىڭىزدى ۇنەمدەۋگە كومەكشى بولادى. تايم-مەنەدجمەنتتى دە تانىپ-ءبىلۋ ارتىق ەتپەيدى. ءاربىر اياقتالعان پۋنكت ءسىزدى ارى قاراي تەزىرەك جۇمىس ىستەۋگە ىنتالاندىرادى.

3. ءوز كۇش- قابىلەتىڭىزدى ەسەپتەي ءبىلىڭىز. بىرنەشە ءىستى بىردەي الىپ ءجۇرۋ قابىلەتى -  ۋاقىت پەن تاجىريبەنى تالاپ ەتەدى. سوندىقتان، الدىمەن، ءبىر ءىستى تولىق اياقتاۋعا داعدىلانىڭىز. مويىنىڭىزعا بىرنەشە ءىستى ءىلىپ الماڭىز.

4. مەرزىمىن بەلگىلەڭىز. ءاربىر جاسالاتىن ءىستىڭ مەرزىمىن ناقتى بەلگىلەگەن ءجون. بۇل ءادىستىڭ ارقاسىندا ءسىز ءىستى سوڭىنا دەيىن قالدىرماي، مەزگىلىندە اياقتاپ وتىرۋعا ۇيرەنەسىز.

5. جاساعان ءىستى اياقتاعاننان كەيىنگى ناتيجە، پايدا تۋرالى ويلانىڭىز. پسيحولوگتاردىڭ ايتۋىنشا، ءاربىر ءىستى باستاماس بۇرىن ونىڭ جاقسى ناتيجەسىن بولجاي ءبىلۋ كەرەك، ال قيىندىقتار جايلى ويلانۋدىڭ مۇلدە قاجەتى جوق.

6. ەڭبەگىڭىزدى باعالاي ءبىلىڭىز. جۇمىستى اياقتاعان بويدا جەكە قىزىعۋشىلىقتارىڭىزعا كوڭىل بولگەنىڭىز ءجون. قۇربى- قۇرداستارىڭىزبەن كەزدەسىپ، كينوعا نە كافەگە بارىپ، دەمالىپ قايتىڭىز. باس كوتەرمەي جۇمىس ىستەۋ -  دەنساۋلىعىڭىزعا زيان.

7. جەتىستىكتەردى بەلگىلەۋ. ءبىر كۇندە تىندىرعان ىستەردى جازىپ وتىرىڭىز. ءبىر اپتادا جاسالعان جۇمىس پەن ناتيجەنى قورىتىندىلاڭىز. ءبىر ايلىق ەڭبەكتىڭ قورىتىندىسىن بەلگىلەپ وتىرىڭىز.

8. وزگەلەردىڭ دە جەتىستىكتەرىن باعالاڭىز. باسقالاردىڭ تابىسىنا قاراپ، شابىتتانىڭىز. ولاردان اسۋعا ۇمتىلىڭىز.

9. بەلسەندى بولىڭىز. سالاۋاتتى ءومىر سالتىن ۇستانىپ، سپورتپەن شۇعىلدانىڭىز. بۇل ارقىلى بويىڭىزداعى كۇش- قۋات ەسەلەنىپ، ءومىر سۇرۋگە قۇشتارلىعىڭىز اسا تۇسەدى.

10. وزىڭىزگە ۋادە بەرىڭىز. «ءۇيدى جيناۋ كەرەك ەدى» ەمەس، «ءبىر ساعاتتان سوڭ ءۇيدى جيناۋعا وزىمە ۋادە بەرەمىن» دەپ ايتىڭىز. ۋادەنى ورىنداۋعا تىرىسىڭىز، بۇل ارقىلى ءسىز ءوزىڭىزدى قۇرمەتتەۋدى ۇيرەنەسىز. ءسىز ءوزىڭىزدى قۇرمەتتەۋ ارقىلى وزگەلەرگە دە سىيلى بولا الاسىز.

11. بىرتىندەپ قادام جاساڭىز. بەلگىلەنگەن ماقساتتارىڭىزعا جەتۋ جولىندا اسىقپاي ءجۇرىپ انىق باسساڭىز ءبارى دە ءوز رەتىمەن ورىندالادى.

12. ءسىزدى ىنتالاندىراتىن بىرەۋدى تابىڭىز. مىسالى، جاقىن قۇربى، ارىپتەسىڭىزدى تاعايىنداپ، وعان ىستەلگەن جۇمىس ەسەبىن ايتىپ وتىرىڭىز.

دەرەككوز: Reactor