+7 (701) 759 90 19
-2 °С : نۇر-سۇلتان
-3 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

قازاقستاندا اپتا ىشىندە بولعان كادرلىق تاعايىنداۋلار

20 قازان 13:06
:ءبولىسۋ
قازاقستاندا اپتا ىشىندە بولعان كادرلىق تاعايىنداۋلار

نۇر-سۇلتان. قازاقپارات - «قازاقپارات» حالىقارالىق اقپارات اگەنتتىگى نازارلارىڭىزعا ەل استاناسى مەن وڭىرلەردەگى باستى اۋىس-تۇيىستەر جايلى اپتا قورىتىندىسىن ۇسىنادى.

اپتا باسىندا الماتى قالاسى اكىمىنىڭ وكىمى بويىنشا ەركەبۇلان ورازالين كاسىپكەرلىك جانە ينۆەستيتسيالار باسقارماسىنىڭ باسشىسى بولعانى حابارلاندى.

ە. ورازالين 1981 -جىلى 16 -تامىزدا دۇنيەگە كەلگەن. ابىلاي حان اتىنداعى قازاق حالىقارالىق قاتىناستار ۋنيۆەرسيتەتىن جانە ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن بىتىرگەن. ەڭبەك جولىن 2002 -جىلى اباي اتىنداعى الماتى ۋنيۆەرسيتەتىنىڭ اسپيرانتى بولىپ باستاعان. ءار جىلدارى الماتىنىڭ اقپاراتتىق-تالداۋ ورتالىعىندا، «الەمدىك ەكونوميكا جانە ساياسات ينستيتۋتى» ق ق-دا جۇمىس ىستەگەن.

2012-2016 -جىلدار ىشىندە الماتى قالاسى تابيعي رەسۋرستار جانە تابيعاتتى پايدالانۋدى رەتتەۋ باسقارماسىندا باسشىلىق قىزمەتتەردى اتقاردى. 2016 -جىلدان باستاپ سوڭعى تاعايىندالۋعا شەيىن الماتى قالاسى م. اۋەزوۆ اۋدانى اكىمىنىڭ ورىنباسارى لاۋازىمىندا بولدى.

سول سەكىلدى ۇلتتىق ەكونوميكا مينيسترلىگى باسەكەلەستىكتى قورعاۋ جانە دامىتۋ كوميتەتىنىڭ اقتوبە وبلىستىق دەپارتامەنتى مەن وبلىستىق دەنە شىنىقتىرۋ جانە سپورت باسقارماسىنا جاڭا باسشى كەلدى. ايماق باسشىسى كوميتەت ءتوراعاسى ساعىندىق ەرعاليەۆتى، باسقارما باسشىسى رەتىندە ەۆگەنيي گونچاروۆتى تانىستىردى.

ساعىندىق ەرعاليەۆ 1976 -جىلى تۋعان، ءبىلىمى جوعارى. 1999 -جىلى باتىس قازاقستان وبلىسىنىڭ اۋىل شارۋاشىلىعى ۋنيۆەرسيتەتىن ەكونوميست-مەنەدجەر ماماندىعى بويىنشا ءتامامداعان. ەڭبەك جولىن 2001 -جىلى باتىس قازاقستان وبلىسىندا قارجى ءبولىمىنىڭ باس ەكونوميسى بولىپ باستاعان. ءارتۇرلى جىلدار «ق ر باسەكەلەستىكتى قورعاۋ اگەنتتىگىنىڭ اقتوبە جانە باتىس قازاقستان وبلىستارى بويىنشا ءوڭىرارالىق ينسپەكتسياسى» م م ب ق و اۋماقتىق ءبولىمىنىڭ باستىعى، «ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ اقتوبە وبلىسى بويىنشا دەپارتامەنتى» ر م م باسشىسىنىڭ ورىنباسارى قىزمەتتەرىن اتقاردى.

ال 38 جاستاعى ەۆگەني گونچاروۆ 2004 -جىلى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن «دەنە شىنىقتىرۋ، سپورت جاتتىقتىرۋشىسى»، 2016 -جىلى ورىنبور مەملەكەتتىك ۋنيۆەرسيتەتىن «مەملەكەتتىك جانە مۋنيتسيپالدى باسقارۋ» ماماندىقتارى بويىنشا بىتىرگەن. ەڭبەك جولىن وبجسم ۆەلوسپورت جاتتىقتىرۋشىسى بولىپ باستاعان. 2015 -جىلدان اقتوبە قالالىق دەنە تاربيەسى جانە سپورت ءبولىمىنىڭ باسشىسى بولىپ قىزمەت اتقاردى. ول گىر كوتەرۋدەن 12 دۇركىن الەم چەمپيونى، 27 دۇركىن قازاقستان چەمپيونى بولدى. 2018 -جىلى ازيا چەمپيونى اتاعىن جەڭىپ الدى. ازيا مەن قازاقستاننىڭ ابسوليۋتتى رەكوردىن ورناتقان سپورتشى.

سونىمەن بىرگە، وسى اپتادا اقتوبە وبلىستىق سوتىنىڭ ءتوراعاسى ساكەن ابدوللا وبلىستىڭ سوت كورپۋسىنا جاڭادان تاعايىندالعان سۋديالاردى تانىستىردى.

پرەزيدەنت جارلىعىمەن اقتوبە قالالىق سوتىنىڭ سۋدياسى لاۋازىمىنا يليادا دوسوۆا تاعايىندالدى. ول بۇعان دەيىن بىرنەشە جىل بويى وبلىستىق سوتتىڭ باسپا ءسوز حاتشىسى قىزمەتىن اتقارعان بولاتىن. سونىمەن قاتار بۇل قىزمەتكە مەرەكە سابىربايەۆا، اقتوبە قالاسىنىڭ №2-سوتىنا ساندۋعاش يزباعامبەتوۆا، سايا تاشىمبايەۆ جانە اقتوبە وبلىسى بايعانين اۋداندىق سوتىنىڭ ءتوراعاسى قىزمەتىنە جاناس قۋانىشيەۆ تاعايىندالدى. وبلىستىڭ اۋداندىق سوتتارى جاڭا كادرلارمەن تولىقتى. سونداي-اق، وسى جارلىقپەن مۇعالجار اۋداندىق سوتىنىڭ سۋديالارى لاۋازىمىنا ۇلبولسىن ايتجانوۆا، رامازان قۇستانوۆ جانە شالقار اۋداندىق سوتىنىڭ سۋدياسى لاۋازىمىنا دارحان يسابەك تاعايىندالدى.

قىزىلوردا وبلىسى اكىمىنىڭ وكىمىمەن باۋىرجان سەرىك ۇلى شامەنوۆ قىزىلوردا وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قىزمەتىنە تاعايىندالدى.

ول 2008-2013 -جىلدارى قىزىلوردا وبلىسى اكىمى اپپاراتىنىڭ مەملەكەتتىك- قۇقىقتىق جۇمىستار ءبولىمىنىڭ باسشىسى بولعان. 2013 -جىلدىڭ شىلدە ايىنان باستاپ وسى كەزگە دەيىن قىزىلوردا وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى لاۋازىمىندا قىزمەت اتقارىپ كەلدى.

جالپى، وسى اپتادا قىزىلوردا وبلىسىندا ءبىرقاتار كادرلىق اۋىس-ءتۇيىس بولدى.

ەنەرگەتيكا مينيسترلىگى جاۋاپتى حاتشىسىنىڭ بۇيرىعىمەن سالامات ساعىناي ۇلى قالجانوۆ قازاقستان رەسپۋبليكاسى ەنەرگەتيكا مينيسترلىگى اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ قىزىلوردا وبلىسى بويىنشا اۋماقتىق دەپارتامەنتىنىڭ باسشىسى لاۋازىمىنا كەلدى.

سونداي-اق، قازاقستان رەسپۋبليكاسى ساۋدا جانە ينتەگراتسيا ءمينيسترىنىڭ بۇيرىعىمەن ەرقاسىم جايبەرگەن ۇلى سۇلەيمەنوۆ قازاقستان رەسپۋبليكاسى ساۋدا جانە ينتەگراتسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ قىزىلوردا وبلىسى بويىنشا دەپارتامەنتىنىڭ باسشىسى لاۋازىمىنا تاعايىندالدى.

«اتىراۋ» فۋتبول كلۋبىن بۇدان بىلاي جاڭا باپكەر جاتتىقتىراتىن بولدى.

«اتىراۋ» فۋتبول كلۋبى باسپا ءسوز قىزمەتىنىڭ حابارلاۋىنشا، باس باپكەر قىزمەتىنە اسقار قوجابەرگەنوۆ تاعايىندالعان. كەزىندە ول الماتىنىڭ سكيف، «قايرات»، «دوستىق»، قاراعاندىلىق «شاحتەر»، تالدىقورعاندىق «جەتىسۋ»، جامبىلدىق «حيميك»، «اقتوبەلىك» كوماندالارىندا ويناعان. سونىمەن قاتار نەمىستەردىڭ «پرويسسەن-7» كومانداسىندا دا ونەر كورسەتكەن. كەيىنىرەك قاسكەلەڭ قالاسىنىڭ «سۇڭقار»، تالدىقورعاندىق «جەتىسۋ» جانە «ەكىباستۇز» كوماندالارىنا باپكەرلىك قىزمەت ەتكەن.

مەملەكەت باسشىسىنىڭ وكىمىمەن سۇلتان كامالەتدينوۆ قازاقستان رەسپۋبليكاسىنىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىنىڭ باستىعى قىزمەتىن اتقاراتىن بولدى.

گەنەرال-مايور سۇلتان بۇركىتباي ۇلى كامالەتدينوۆ 1965 -جىلى 12 -اقپاندا استراحان وبلىسىندا (ر ف) دۇنيەگە كەلگەن. تاشكەنت جوعارى تانك ۋچيليشەسىن بىتىرگەن؛ تانكىگە قارسى اسكەرلەر اسكەري اكادەمياسىنىڭ تىڭداۋشىسى؛ رەسەي فەدەراتسياسى قارۋلى كۇشتەرى باس شتابىنىڭ اسكەري اكادەمياسىنىڭ تىڭداۋشىسى.

ەڭبەك جولى: گەرمانياداعى سوۆەت اسكەرى توبىنىڭ تانك ديۆيزياسىنىڭ گۆارديالىق تانك پولكىنىڭ تانك ۆزۆودى كومانديرى؛ تانك باتالونى كومانديرىنىڭ ورىنباسارى - شتاب باستىعى، تانك باتالونى كومانديرى، تانك پولكىنىڭ كومانديرى، مەحانيكالاندىرىلعان ديۆيزيا كومانديرىنىڭ ورىنباسارى - شتاب باستىعى، مەحانيكالاندىرىلعان بريگادا كومانديرى (1986-2005)؛ «شىعىس» وڭىرلىك قولباسشىلىعى اسكەر قولباسشىسى باسقارماسىنىڭ شتابى باستىعىنىڭ ورىنباسارى (2006-2008)؛ «وڭتۇستىك» ءو ق اسكەر قولباسشىسىنىڭ اسكەري دايىندىق جونىندەگى ورىنباسارى (01.2008-08.2008)؛ «وڭتۇستىك» ءو ق اسكەر قولباسشىسى باسقارماسى شتابىنىڭ باستىعى - قولباسشىنىڭ ءبىرىنشى ورىنباسارى (2010-2012)؛ «استانا» ءوق اسكەر قولباسشىسى باسقارماسى شتابىنىڭ باستىعى - قولباسشىنىڭ ءبىرىنشى ورىنباسارى (2012-2013)؛ «استانا» ءوق اسكەري قولباسشىسى (2013-2016)؛ ق ر قورعانىس مينيسترلىگى قارۋلى كۇشتەرىنىڭ قۇرلىقتاعى اسكەرلەر باس قولباسشىسىنىڭ ءبىرىنشى ورىنباسارى (2016 -جىلدان) بولدى.

اپتا سوڭىندا قازاقستان ۆەلوسپورت فەدەراتسياسىنىڭ اتقارۋشى ديرەكتورى قىزمەتىنە دميتري مۋراۆيەۆتىڭ كەلگەنى حابارلاندى.

دميتري مۋراۆيەۆ - الەمدىك تۋر كومانداسى «Pro Team Astana» ساپىندا جانە امەريكالىق «RadioShack» جوباسىندا ونەر كورسەتكەن. ت انىمال كاسىبي ۆەلوشاباندوز. قازاقستاننىڭ ۇلتتىق قۇراماسىندا جۇرگەندە 1998 -جىلى بانگوكتا - كۇمىس جۇلدە، 2002 -جىلى پۋساندا وتكەن ازيا ويىندارىندا - قولا جۇلدەنى جەڭىپ العان بولاتىن. ودان بولەك، مۋراۆيەۆ «تۋر دە فرانس» كوپكۇندىگىنىڭ 4-كەزەڭىندە جەڭىسكە جەتتى. سونىمەن قاتار ول كوپتەگەن كاسىبي ۆەلوجارىستاردا جۇلدەلى ورىندارعا يە بولعان. قازاقستاندىق ۆەلوشاباندوز - Almaty Management University تۇلەگى، «بيزنەس جانە باسقارۋ» ماماندىعى بويىنشا ماگيستر دارەجەسىن العان.

اۆتور: ايان بەكەن ۇلى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات