11:05, 20 - قازان 2019 | GMT +6
تەك جۇك كولىكتەرىن تونايتىن قىلمىستىق توپ ۇستالدى
نۇر-سۇلتان. قازاقپارات - گەرمانيادا قىلمىستىق توپ قۇرىپ، ەۋرووداق تەرريتورياسىندا جۇك كولىكتەرىن تونايتىن بەلارۋستار قولعا ءتۇستى، دەپ حابارلايدى ەۆروپول.
ولاردى ۇستاۋعا نەمىس، چەح جانە فرانسۋز قۇقىق قورعاۋشىلارى، سونداي-اق ەۋروپا پوليتسيا ۇيىمىنىڭ قىزمەتكەرلەرى قاتىستى.
قىلمىستىق توپ دەمالىس ايماقتارىنداعى، كولىك تراسسالارىنداعى جانە كولىك تۇراقتارىنداعى فۋرالاردى تونايتىن بولعان. بەلارۋستار گەرمانيادا 60 قا جۋىق قىلمىسقا قاتىسى بار دەگەن كۇدىككە ءىلىنىپ وتىر. كەلتىرىلگەن شىعىن 500 مىڭ ەۋرودان استام. توپ قۇرامىندا كەم دەگەندە التى ادام بولعان. باۋكەسپەلەر فرانسيا اۋماعىندا دا ۇرلىق جاساعان.
قىلمىستىق توپتىڭ سەركەسى مەن ءتورت مۇشەسى ۇستالدى. كۇدىكتىلەردى قولعا تۇسىرگەن كەزدە ولاردىڭ جۇك كولىگىنەن ۇرلانعان بىرنەشە تەلەۆيزور تابىلعان. تەرگەۋ جۇمىستارى جالعاسىپ جاتىر.