+7 (701) 759 90 19
-19 °С : نۇر-سۇلتان
1 °С : الماتى
USD 388.49 EUR 427.26
RUB 6.06 CNY 55.32
جاڭالىقتار

وڭتۇستىك كورەيادا حالىق سانى ازايا باستايدى

20 قازان 10:45
:ءبولىسۋ
وڭتۇستىك كورەيادا حالىق سانى ازايا باستايدى

نۇر-سۇلتان. قازاقپارات - وڭتۇستىك كورەيادا حالىق جىلدام قارتايىپ جاتىر.

مەملەكەتتە تۋۋ كورسەتكىشى تومەن جانە جاستار كەش وتاۋ قۇرادى. بۇل اتالعان مەملەكەتتە ۇلكەن پروبلەما تۋعىزىپ وتىر، دەپ جازادى bbc .

باسىلىمنىڭ حابارلاۋىنشا، ەكونوميكالىق وزگەرىستەرگە ۇشىراعان مەملەكەتتەر تەك قارجى جاعىنان ەمەس، حالىق ساناعى جانىنان دا پروبلەمالارعا تاپ بولادى.

«جىلدام يندۋستراليزاتسيادان وڭتۇستىك كورەيا سوڭعى جىلدارى جىلدام دامىدى. بۇگىنگى تاڭدا بۇل مەملەكەتتىڭ ەكونوميكاسى 1,6 تريلليون دوللارعا باعالانعان. بۇل الەم بويىنشا قىتاي، جاپونيا، ءۇندىستاننان سوڭ ءتورتىنشى ورىندا تۇر. وسىلايشا مەملەكەتتە دەموگرافيالىق پارادوكس پايدا بولدى»، دەپ جازادى اۆتور.

ونىڭ ايتۋىنشا، وڭتۇستىك كورەيالىق ايەلدەردە ورتاشا ەسەپپەن 1,1 بالا بار. بۇل باسقا مەملەكەتتەردەگى دەرەكتەردەن تومەن. الەمدە بۇل كورسەتكىش ورتاشا ەسەپپەن 2,5 بالانى قۇرايدى. ماماندار بۇل زالىق سانىنا تىكەلەي اسەر ەتەتىن فاكتور ەكەنىن ايتتى.

«قازىرگى تاڭدا وڭتۇستىك كورەيادا سامپو اتتى الەۋمەتتىك فەنومەن كەڭ تاراعان. بۇل سامپو ۇرپاق قارىم- قاتىناستان، نەكەدەن، بالادان باس تارتقان. سونىمەن قاتار وڭتۇستىك كورەيا حالقى الەم بويىنشا ەڭ ۇزاق ءومىر سۇرەتىن حالىقتار قاتارىندا. جاھاندا ورتاشا ءومىر ءسۇرۋ جاسى 72 جاس بولسا، وڭتۇستىك كورەيادا ەرلەرگە 79، ايەلدەرگە 85 جاستى قۇرايدى»، دەپ جازادى باسىلىم. ب ۇ ۇ درەكتەرىنە سەنسەك، بيىلعى جىلدىڭ سوڭىندا وڭتۇستىك كورەيادا تۋعان بالالار 92 جاسقا دەيىن ءومىر سۇرەتىن بولادى.

«بۇل پارادوكس وڭتۇستىك كورەيا حالقىنىڭ سانى ازايا باستايتىنىن كورسەتەدى. ب ۇ ۇ بولجامىنا سەنسەك، حالىق سانى 2024 -جىلدان باستاپ ازاياتىن بولادى. سونىمەن قاتار 2100 -جىلى وڭتۇستىك كورەيا حالقىنىڭ سانى 1966 -جىلمەن تەڭەسىپ، 29 ميلليون ادامعا جەتەدى.

اۆتور: ايكۇمىس بولاتبەك


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات