+7 (701) 759 90 19
-19 °С : نۇر-سۇلتان
1 °С : الماتى
USD 388.49 EUR 427.26
RUB 6.06 CNY 55.32
جاڭالىقتار

ءجانناتتى اڭساپ، اداسقان ايەلدىڭ اڭگىمەسى

20 قازان 10:26
:ءبولىسۋ
ءجانناتتى اڭساپ، اداسقان ايەلدىڭ اڭگىمەسى

الماتى. قازاقپارات – ق ر ۇ ق ك وتكىزگەن كەڭ كولەمدى «جۋسان-2» وپەراتسياسى كەزىندە سيرياداعى قاقتىعىس ايماقتارىنان 231 قازاقستاندىق ەلگە قايتتى.

ونىڭ 16 سى - ەر ادام، 59 ى - ايەل جانە 156 بالا بار. بوزدالاداعى بەيبىت كۇننىڭ باعاسىن بىلمەي، جات اعىمنىڭ جەتەگىندە كەتكەندەردىڭ قاتارىندا فاتيما ەسىمدى كەلىنشەك تە بار. «ءجانناتتى» اڭساپ، اداسقان ايەل كورگەن قيىندىقتارى جايلى بايانداپ بەردى.

فاتيمانىڭ (ەسىمى وزگەرتىلگەن) ناماز وقىپ، سيرياعا كەتۋىنە كۇيەۋى سەبەپكەر بولعان. 2009 -جىلى 11-سىنىپتى بىتىرگەن ول الماتىعا وقۋعا ءتۇسىپ، ۇلكەن مەگاپوليستە بولاشاق جارىمەن تانىسقان.

«ەكىنشى كۋرستا وقىپ جۇرگەن كەزدە تۇرمىسقا شىقتىم. كۇيەۋىم وتە سابىرلى، كوپ اشۋلانا بەرمەيتىن ەدى. ءبىر-ءبىرىمىزدى ۇناتىپ شاڭىراق كوتەرگەندىكتەن ەش قيىندىق بولعان جوق. كوپ ۇزاماي ۇلدى بولدىق. ءبىراق مەن وقۋىمدى تاستاعان جوقپىن. ءبىر كۇنى مەن ساباققا دايىندالىپ وتىرعان كەزدە ۇيگە ءۇش ەركەك كەلدى. ولار كۇيەۋىممەن ءبىراز ۋاقىت جەكە سويلەستى. سودان سوڭ ول بىردەن سيرياعا بارامىن دەپ شەشىپ، سولارمەن ىلەسىپ كەتىپ قالدى. 2014 -جىلدىڭ جازىندا ۇلىمدى الىپ مەن دە سول جاققا اتتاندىم»، - دەيدى فاتيما.

باستاپقىدا ءبارى جاقسى بولعان. سوعىس ءجۇرىپ جاتقانىمەن يسلام ەلىندە، شاريعات بويىنشا ءومىر ءسۇرىپ جاتىرمىز دەپ ويلادى.

«سوعىس بىزدەن الىس جەردە ءجۇردى، ءبىز ايەلدەر بالا-شاعامىزبەن قالادا تۇردىق. شام ەلىندەگى قازاقستاندىقتار سيريانىڭ شىن مانىندە قانداي ەكەنىن 2017 -جىلى اڭعاردىق»، - دەدى ول.

2017 -جىلدىڭ جەلتوقسان ايىندا فاتيما كۇيەۋىنەن ايىرىلدى. جولداسىنىڭ ۇستىنە بومبا ءتۇسىپ، كوز جۇمعان. قىستىڭ قاقاعان ايازىندا سودىرلار فاتيمالاردىڭ تۇرىپ جاتقان قالاسىنا كىرگەن. مىنە، وسى ۋاقىتتان باستاپ قيىن كۇندەر باستالعان.

«ءبىز سوعىستىڭ ءدال ورتاسىندا جۇردىك، جانىمىزدان وق ۇشىپ، جارىلىس بولىپ جاتاتىن. سول كەزدەن باستاپ ءار جەرگە ءبىر كوشىپ، اش جۇردىك. جەرگىلىكتىلەر داۋلەتتى تۇردى، قارىندارى توق ەدى. ال باسقا ەلدەن كەلگەندەر ەشكىمگە كەرەك بولمادى. ءبىز جەسىرلەر ءبىر ۇيدە تۇراتىنبىز. قايىرشى سەكىلدى جان-جاقتان تاماق سۇراي باستادىق. ەلگە ورالۋعا جول ىزدەگەنىمىزبەن قازاقستانعا قايتۋ وتە قاۋىپتى ەدى»، - دەدى ول.

فاتيمانىڭ ايتۋىنشا، سوعىس الاڭىندا ادامدار «ءجانناتقا بارۋ» ءۇشىن ءوز جانىن قۇربان ەتكەن ەكەن.

«ول جاقتا كوپ ادامدار ءجانناتقا بارامىز دەپ ءوزىن جارىپ جىبەرىپ جاتتى. سەبەبى، «ءجانناتقا بارۋعا اسىعىڭدار» دەپ ادامداردى وسىعان شاقىراتىن. كەيىننەن لاگەرلەرگە شىقتىق. ول جەردە جارىلىستىڭ كەسىرىنەن اياعى نە قولى جوق، تاعى دا باسقالاي جاراقاتتانعان ادامدار كوپ بولدى. ولارعا ەشقانداي مەديتسينالىق جاردەم بەرىلمەدى، ءدارى-دارمەك تە جوق، ەشكىم قارامايدى، ءتىپتى اياقتارى قۇرتتاپ، ءشىرىپ، ساسىپ جاتقاندار دا كەزدەسەتىن. مۇسىلماندار قاتتى قينالىپ جاتتى»، - دەيدى كەلىنشەك.

قولىنداعى بالاسىمەن قيىندىقتى ابدەن كورگەن فاتيما تۇرمىسقا شىعۋعا بەل بۋادى.

«ول جاقتىڭ ەركەكتەرىندە ەكى-ءۇش ايەلدەن بولادى. مەن ەكىنشى، ءۇشىنشى ايەل بولعىم كەلمەگەندىكتەن وتباسىمەن بومبانىڭ استىندا قالىپ، ايەل، بالا-شاعاسىنان ايىرىلعان مۇگەدەك ادامعا تۇرمىسقا شىقتىم. ءبىراق ول كۇيەۋىممەن كوپ تۇرمادىم»، - دەيدى ول.

قازاقستاندىق ايەل وتانعا 2019 -جىلدىڭ مامىر ايىندا «جۋسان-2» وپەراتسياسىمەن ورالدى. جولداسىمەن جۇماقتى اڭساعان ايەل اداسقانى ءۇشىن جاقىندارىنان كەشىرىم سۇرادى.

«مەن اتا-انامنان، تۋعان-تۋىستارىمنان، دوستارىمنان كەشىرىم سۇرايمىن. ماعان تاعى ءبىر مۇمكىندىك بەرۋىن وتىنەم. يسلام - مەيىرىم ءدىنى. مەن ولارعا يسلامدى جاقسى جاعىنان كورسەتكىم كەلەدى. تەك بىزدەر اداسىپ كەتتىك»، - دەپ اڭگىمەسىن قورىتىندىلادى كەلىنشەك.

اۆتور: الما مۇقانوۆا


باستى سوزدەر: وتانداستار,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات