+7 (701) 759 90 19
-1 °С : نۇر-سۇلتان
4 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

اتىراۋ وبلىسىندا تابىلدى دوسىموۆ پەن مۇرات موڭكە ۇلىنا ەسكەرتكىش قويىلدى

20 قازان 10:00
:ءبولىسۋ
اتىراۋ وبلىسىندا تابىلدى دوسىموۆ پەن مۇرات موڭكە ۇلىنا ەسكەرتكىش قويىلدى

اتىراۋ. قازاقپارات- اتىراۋ وبلىسىنىڭ يندەربور كەنتىندە زار زامان اقىنى مۇرات موڭكە ۇلى مەن بارد اقىن تابىلدى دوسىموۆقا ارنالعان ەسكەرتكىش قويىلدى، دەپ حابارلايدى قازاقپارات ءتىلشىسى.

مۇرات بابا ەسكەرتكىشىنىڭ اۆتورى – ق ر سۋرەتشىلەر وداعىنىڭ مۇشەسى قۇتتىبەك جاقىپ. بيىكتىگى 7 مەتر بولاتىن ەسكەرتكىش تازا قولادان قۇيىلعان. ەلىنىڭ تاۋەلسىزدىگىن اڭساپ جىر تولعاعان مايتالمان جىرشى، تەرمەشى رەتىندە مۇرات موڭكە ۇلى حالىق اراسىندا تانىلعان. سالتاناتتى شاراعا قاتىسقان اتىراۋ وبلىسى اكىمىنىڭ ءبىرىنشى ورىنباسارى سەرىك شاپكەنوۆ ايماق باسشىسى اتىنان بۇگىنگى ايتۋلى مەرەكەمەن قۇتتىقتادى.

«قازاقتىڭ زار زامان اقىنى مۇرات موڭكە ۇلىن تانىمايتىن قازاق جوق. ءوزىنىڭ رۋحقا تولى ولەڭدەرىمەن حالىق جادىندا ماڭگى ساقتالادى. بۇگىنگى ءبىزدىڭ مىندەتىمىز - ۇلى تۇلعالارىمىزدى ۇلىقتاۋ. وسى ارقىلى جاس ۇرپاقتى تاربيەلەۋىمىز كەرەك. بۇگىن يندەربور كەنتىندە مۇرات موڭكە ۇلى مەن تابىلدى دوسىموۆقا ارنالعان ەسكەرتكىش بوي كوتەردى. اشىلعالى تۇرعان ەكى ەسكەرتكىش قۇتتى بولسىن»، - دەيدى سەرىك شاپكەنوۆ.

سونىمەن قاتار، قازاقتىڭ تۇڭعىش بارد اقىنى تابىلدى دوسىموۆقا ارنالعان ەسكەرتكىشتىڭ دە سالتاناتتى اشىلۋى ءوتتى. شاراعا تابىلدىنىڭ زامانداستارى، قوعام قايراتكەرلەرى قاتىستى. بيىكتىگى 2 مەتر 60 س م بولاتىن ەسكەرتكىش تازا قولادان قۇيىلعان. تابىلدى اقىننىڭ 45 جاسىندا ومىردەن ءوتۋىن بىلدىرەتىن 4,5 مەترلىك گرانيت تاسقا ولەڭدەرى جازىلعان. سونداي-اق، تابىلدى مۇراسىنىڭ كەيىنگى ۇرپاققا جالعاسۋىن بەينەلەيتىن گرانيتتىڭ ۇشار باسىندا قۇستار بەينەلەنگەن. ەسكەرتكىشتىڭ اۆتورى – ق ر سۋرەتشىلەر وداعىنىڭ مۇشەسى باقىتبەك مۇحامەتجانوۆ.

«مەن قازاقپىن» دەپ جاھانعا جار سالا جىرلاعان جالىندى اقىن كىندىك قانى تامىپ، ءومىرىنىڭ سوڭعى كۇندەرىن وتكىزگەن تۋعان توپىراعىندا بۇگىن ساۋلەتتى ەسكەرتكىش بوي كوتەرىپ وتىر. تابىلدى قازاق جادىندا ماڭگىلىك ساقتالادى. مۇرات موڭكە ۇلى ازاتتىقتى ارمانداسا، تابىلدى بيىكتىكتى اڭسادى. ەكى تۇلعانىڭ بۇگىندە ارمانى ورىندالدى»، - دەيدى اقىن، تابىلدىنىڭ زامانداسى سۆەتقالي نۇرجان.

ايتا كەتەيىك، قازاقتىڭ زار زامان اقىنى مۇرات موڭكە ۇلى مەن بارد اقىن تابىلدى دوسىموۆ يندەر اۋدانىندا جەرلەنگەن.




اۆتور: اباي ابىلاي ۇلى


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات