09:10, 20 - قازان 2019 | GMT +6
ق ر پرەزيدەنتىنىڭ كەڭەسشىسى ەرلان قارين ۇلتتىق كەڭەس تۋرالى يۋتۋب-كانال اشتى
نۇر-سۇلتان. قازاقپارات – ق ر پرەزيدەنتىنىڭ كەڭەسشىسى ەرلان قارين ۇلتتىق كەڭەستىڭ جۇمىسى تۋرالى اقپارات بەرىپ وتىراتىن Youtube-كانال اشتى، دەپ حابارلايدى قازاقپارات.
كانالدىڭ العاشقى باعدارلاماسىندا ەرلان قارين «ۇلتتىق كەڭەس قالاي جانە قاشان قۇرىلدى؟ ونىڭ قۇرامى قالاي انىقتالدى؟ ۇلتتىق كەڭەستىڭ ماڭىزى نەدە؟» دەگەن سياقتى سۇراقتارعا تولىققاندى جاۋاپ بەرەدى.
«ءبىرقاتار الەۋمەتتىك جەلىلەردەن ۇلتتىق كەڭەستىڭ كۇندەلىكتى جۇمىسى تۋرالى اڭگىمەلەيتىن پاراقشالار اشىلعان. دەگەنمەن بىزگە ءالى دە كوپ سۇراقتار قويىلىپ جاتىر. مىسالى «ۇلتتىق كەڭەس مۇشەلەرىنە جالاقى تولەنە مە؟» دەگەن سۇراق قويىلدى. جانە «ول پارلامەنتتىڭ جۇمىسىن قايتالاماي ما؟» دەگەن ماسەلە دە جەلىدە قىزۋ تالقىلاندى. سوندىقتان ءبىز ۇلتتىق كەڭەستىڭ جۇمىسى، قازىرگى باعىتى تۋرالى جان- جاقتى مالىمەت بەرۋدى ءجون كوردىك»، - دەيدى ەرلان قارين.