+7 (701) 759 90 19
-9 °С : نۇر-سۇلتان
5 °С : الماتى
USD 389.34 EUR 428.78
RUB 6.05 CNY 55.45
جاڭالىقتار

نۇر-سۇلتاندا نان باعاسى قىمباتتاي ما

20 قازان 08:26
:ءبولىسۋ
نۇر-سۇلتاندا نان باعاسى قىمباتتاي ما

نۇر-سۇلتان. قازاقپارات - نۇر-سۇلتان قالاسىنىڭ اكىمدىگى نان باعاسىنا قاتىستى پىكىر ءبىلدىردى، دەپ حابارلايدى قازاقپارات.

استانالىق ينۆەستيتسيا جانە كاسىپكەرلىكتى دامىتۋ باسقارماسىنىڭ مالىمەتىنە سەنسەك، جىل باسىنان بەرى استىق پەن ۇن باعاسى وسكەنى بايقالادى. سالدارىنان ءبىرىنشى سورت ۇنىنان پىسىرىلگەن الەۋمەتتىك نان باعاسىنىڭ ءوسۋ قاۋپى تۋىنداپ وتىر.

«بيىلعى ساۋىردە باعانى تۇراقتاندىرۋ ءۇشىن كەلىسىن 94 تەڭگەدەن 2000 توننا ءبىرىنشى سورت ۇن ساتىپ الىندى. ونى وتاندىق ءوندىرۋشى «تابىس 2009» ج ش س-نەن ساتىپ الدىق. بۇل ۇن قالاداعى ەكى ءىرى ناۋبايحاناعا (قالا نارىعىنداعى ۇلەسى - %30) ءبولىنىپ بەرىلدى. ولاردىڭ ءبىر ايداعى قاجەتتىلىگى - 750 توننا»، - دەپ ءمالىم ەتتى ۆەدومستۆو.

باسقارمانىڭ مالىمەتىنشە، قالا ناۋبايحانالارىمەن كەلىسىم بويىنشا بيىلعى 1 -جەلتوقسانعا شەيىن نان باعاسى سول ءبىر بولكە - 75 تەڭگە كۇيىندە قالادى. دۇكەندە 80-85 تەڭگەدەن ساتىلادى. بۇگىندە ەركىن نارىقتاعى استىقتىڭ باعاسى تونناسىنا 80 مىڭ تەڭگەدەن اسادى.

ايتا كەتەيىك، «ازىق-تۇلىك كەلىسىمشارت كورپوراتسياسى» ۇ ك» ا ق استىقتى ساپاسىنا قاراي تونناسىن 70 مىڭ تەڭگەدەن ساتىپ الاتىنىن حابارلاعان بولاتىن.

«وسىعان بايلانىستى نان باعاسىنىڭ كەنەتتەن كوتەرىلىپ كەتۋىنە جول بەرمەس ءۇشىن كوميسسيا شەشىمىمەن تۇراقتاندىرۋ قورىنا 6 مىڭ توننا ۇن ساتىپ الۋ جوسپارلانىپ وتىر. ول جاڭا ەگىن ناۋقانىنا دەيىن باعانى تۇراقتى قالىپتا ۇستاپ تۇرادى جانە قالاداعى قاجەتتىكتىڭ 65 پايىزىن قامتاماسىز ەتەدى»، - دەپ مالىمدەدى باسقارما.

اكىمدىك اتالعان باعىتتاعى جۇمىس باقىلاۋدا ەكەنىن اتاپ ءوتتى.

ەسكە سالا كەتسەك، 14 -قازانداعى ۇكىمەت وتىرىسىندا اۋىل شارۋاشىلىعى ءمينيسترى ساپارحان وماروۆ نان باعاسى قانشالىقتى قىمباتتايتىنىنا قاتىستى ءوز بولجامىن ايتقان ەدى. ودان كەيىن مينيسترلىك وكىلدەرى الەۋمەتتىك ناننىڭ باعاسى وزگەرمەيدى دەپ سەندىرگەن بولاتىن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات