+7 (701) 759 90 19
-21 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

الماتىدا تۇركى الەمى كينوفەستيۆالى وتۋدە

19 قازان 11:52
:ءبولىسۋ
الماتىدا تۇركى الەمى كينوفەستيۆالى وتۋدە

الماتى. قازاقپارات - الماتىدا تۇركى الەمى دەرەكتى فيلمدەرى IV حالىقارالىق فەستيۆالىنىڭ قازاقستاندىق باعدارلاماسى وتۋدە.

ءىس-شارانى ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ قولداۋىمەن تۇركى الەمى جۋرناليستەرى فەدەراتسياسى جانە ءال-فارابي اتىنداعى قازاق ۇلتتىق ۋنيۆەرسيتەتى ۇيىمداستىردى، دەپ حابارلايدى قازاقپارات.

«قازان ايىنىڭ باسىندا ىستانبۇلدا (تۇركيا) اشىلعان كينوفەستيۆال بيىل توعىز قاتىسۋشى ەلدىڭ جەتەكشى سەرىكتەس- ۋنيۆەرسيتەتتەرىندە ءوتىپ جاتىر. كينوفەستيۆالدە تۇركيا، قازاقستان، تۇرىكمەنستان، بوسنيا جانە گەرتسەگوۆينا، قىرعىزستان، ازەربايجان، وزبەكستان، ماجارستان، ماكەدونيا، كيپر ەلدەرىنىڭ ۇزدىك جۇمىستارى قاتىسۋدا. فيلمدەر الەۋمەتتىك، مادەني، رۋحاني جانە قوعامدىق ماڭىزدى تاقىرىپتار مەن جاستار تاربيەسىن قامتيدى»، دەلىنگەن حابارلامادا.

شارانىڭ سالتاناتتى اشىلۋىنا كينەماتوگرافيانىڭ اڭىزىنا اينالعان، تۇركى الەمىنىڭ تانىمال اكتەرى مەن رەجيسسەرى اسانالى ءاشىموۆ، تۇركى الەمى جۋرناليستەر فەدەراتسياسىنىڭ پرەزيدەنتى مەندەرەس دەمير جانە باسقا دا شەتەلدىك قۇرمەتتى قوناقتار، سونداي-اق كينودوكۋمەنتاليستەر مەن فيلمدەردىڭ اۆتورلارى، قوعام مەن ماسس- مەديا وكىلدەرى، الماتىنىڭ ستۋدەنتتەرى قاتىستى.


«ورتاق تۇركى مۇراسىن ساقتاۋعا، ۇلتتىق ەرەكشەلىكتى ناسيحاتتاۋعا جانە تۇركىتىلدەس مەملەكەتتەردىڭ شىعارماشىلىق ينتەگراتسياسىن نىعايتۋ ىسىنە ارنالعان كينوفەستيۆالدى وتكىزۋ ءبىز ءۇشىن ۇلكەن مارتەبە. دەرەكتى كينو وزەكتى الەۋمەتتىك جانە قوعامدىق ماڭىزى بار تاقىرىپتاردى كوتەرە وتىرىپ، جاس ۇرپاق بويىندا رۋحاني-ادامگەرشىلىك قۇندىلىقتاردى، دۇنيەتانىم مەن ومىرلىك باعىت- باعداردى دامىتادى»، - دەپ اتاپ ءوتتى شارانىڭ قوناقتارى مەن قاتىسۋشىلارىن قارسى الا وتىرىپ قاز ۇ ۋ- دىڭ ءبىرىنشى پرورەكتورى مۇحامبەتقالي بۇركىتبايەۆ.

ول باكۋدە (ازەربايجان) وتكەن تۇركىتىلدەس مەملەكەتتەردىڭ ىنتىماقتاستىعى كەڭەسىنىڭ 7-وتىرىسىندا قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ «تۇركى كەلەشەگى - 2040» باعدارلاماسىنا مادەنيەت، ءبىلىم جانە جاستار ساياساتىنا ارنالعان شارالاردى قوسۋ قاجەتتىگى جونىندەگى پايىمداماسىمەن ۇشتاساتىندىعىن باسا ايتتى.

كينوفەستيۆالدە اسانالى ءاشىموۆ رۋحاني دامۋعا شاقىراتىن جۇرەكجاردى ولەڭدەرىن وقىپ، ستۋدەنت جاستارعا ۇلكەن ساتتىلىك تىلەدى.




«جاقسى وقىڭىزدار! سوندا سىزدەر وزدەرىڭىزگە دە، ەلىمىزگە دە، حالقىمىزعا دا ۇلكەن پايدا اكەلەسىزدەر. ەڭبەك ەتىڭىزدەر، وزىق بولۋعا تالپىنىپ تىرىسىڭىزدار، ءبىلىمدى بولىڭىزدار. مەن سىزدەردى وسىعان شاقىرامىن!» - دەدى كينو مايتالمانى.

«جىل سايىن فەستيۆال ءوزىنىڭ تىنىسىن كەڭەيتىپ ءبىزدىڭ ەلدەرىمىزدى رۋحاني جاقىنداستىرىپ كەلەدى. بۇل شارا ۇلى تۇركى ويشىلى ءال-فارابيدىڭ جەرىندە وتكىزىلۋدە، ونىڭ مۇراسى ءبىزدى بىرىكتىرەدى، ول بۇكىل ادامزات ءۇشىن قۇندى. 2020 -جىلى الەم ونىڭ 1150 جىلدىعىن اتاپ وتپەك، بۇل ماڭىزدى وقيعا كەلەسى كينوفەستيۆالدىڭ تاقىرىبىندا مىندەتتى تۇردە كورىنىس تاباتىن بولادى»، - دەپ اتاپ ءوتتى مەندەرەس دەمير.

سونىمەن قاتار ول ءاسانالى اشىموۆكە الەمدىك كينەماتوگرافقا جانە تۇركى ەلدەرىنىڭ مادەني بايلانىستارىن نىعايتۋعا قوسقان زور ۇلەسى ءۇشىن ارنايى سىيلىق تابىس ەتتى.

قازاقستاندىق باعدارلامادا كينوفەستيۆالدىڭ فينالىنا وتكەن ۇزدىك ستۋدەنتتىك جانە كاسىبي دەرەكتى فيلمدەر كورسەتىلەدى.




باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات