+7 (701) 759 90 19
-21 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

بۇگىن - قازاقستان قۇتقارۋشىلارىنىڭ كاسىبي مەرەكەسى

19 قازان 11:30
:ءبولىسۋ
بۇگىن - قازاقستان قۇتقارۋشىلارىنىڭ كاسىبي مەرەكەسى

نۇر-سۇلتان. قازاقپارات - بۇگىن، 19 -قازان - قازاقستان قۇتقارۋشىلارىنىڭ كاسىبي مەرەكەسى، دەپ حابارلايدى قازاقپارات ق ر ءى ءى م توتەنشە جاعدايلار كوميتەتىنىڭ باسپا ءسوز قىزمەتىنە سىلتەمە جاساپ.

«قازاقستان رەسپۋبليكاسىنىڭ ورتالىق اتقارۋشى ورگاندارىنىڭ قۇرىلىمىن جەتىلدىرۋ تۋرالى» قازاقستان پرەزيدەنتىنىڭ 1995 -جىلعى 19 -قازانداعى №2541 -جارلىعىمەن ەلدىڭ تابيعي جانە تەحنوگەندىك سيپاتتاعى توتەنشە جاعدايلار جانە ازاماتتىق قورعانىس سالاسىنداعى ۋاكىلەتتى ورتالىق اتقارۋشى ورگان رەتىندە قازاقستان رەسپۋبليكاسىنىڭ توتەنشە جاعدايلار جونىندەگى مەملەكەتتىك كوميتەتى قۇرىلدى.

«قازاقستان رەسپۋبليكاسىنىڭ توتەنشە جاعدايلار جونىندەگى مەملەكەتتىك كوميتەتىنىڭ قۇرىلعان كۇنى ازاماتتىق قورعاۋ جۇيەسىنىڭ كاسىبي مەرەكەسى - قۇتقارۋشىلار كۇنى.

ت ج ك قىزمەتكەرلەرى - بۇل ءورت سوندىرۋشىلەر، قۇتقارۋشىلار، ۇشقىشتار، دارىگەرلەر، پسيحولوگتار، كينولوگتار. ولار توتەنشە جاعدايلاردى جويادى، ءورتتى سوندىرەدى، قۇتقارۋ وپەراتسيالارىن جۇرگىزەدى، ادامدار مەن جانۋارلاردى، مۇلىكتى قۇتقارادى»، دەلىنگەن حابارلامادا.


قۇتقارۋشىلار قىزمەتى جۇمىس ىستەگەن جىلدارى (1995 -جىلدان باستاپ 2019 -جىل ارالىعىندا) 1 ميلليون 312 مىڭ رەت توتەنشە جاعدايلار مەن ورتتەرگە بارعان. ولار 362 مىڭنان استام ادامدى قۇتقاردى، ءارتۇرلى توتەنشە جاعدايلار ايماعىنان 315 مىڭ ادامد ەۆاكۋاتسيالادى، 52 مىڭنان استام زارداپ شەككەن ادامعا مەديتسينالىق كومەك كورسەتتى.


جىل سايىن ەلىمىزدە ورتكە قارسى قىزمەت، جەدەل- قۇتقارۋ جاساقتارى، اپاتتار مەديتسيناسى ورتالىعى ورتكە جانە جانۋعا، توتەنشە جاعدايلاردىڭ سالدارىن جويۋعا، اۆاريالىق- قۇتقارۋ جۇمىستارىن جۇرگىزۋگە 60 مىڭنان استام رەت بارادى، كەمىندە 10 مىڭنان استام ادام قۇتقارىلادى.

بۇل رەتتە، ءورت سوندىرۋشىلەر 15 مىڭعا دەيىن ءارتۇرلى ءورتتى ءسوندىرىپ، ءتىلسىز جاۋدان 4 مىڭعا دەيىن ادامدى قۇتقارادى، سۋدا قۇتقارۋشىلار 600 ادامعا كومەك كورسەتەدى، تاۋ ۋچاسكەلەرىندە 200-گە دەيىن اداسقان ءتۋريستى جەدەل ەۆاكۋاتسيالايدى، قۇتقارۋ اۆياتسياسى ىزدەستىرۋ- قۇتقارۋ جۇمىستارىنا، ورتتەردى سوندىرۋگە جانە جەكە قۇرامدى جەتكىزۋگە 900 گە جۋىق رەت ۇشىپ شىعادى.


2019 -جىلدىڭ باسىنان باستاپ قۇتقارۋ بولىمشەلەرى ورتكە جانە اۆاريالىق- قۇتقارۋ جۇمىستارىنا 60,8 مىڭ رەت باردى. 9 مىڭ ادام قۇتقارىلدى، توتەنشە جاعدايلار ايماعىنان 17,5 مىڭنان استام ادام ەۆاكۋاتسيالاندى، شامامەن 4 مىڭ زارداپ شەگۋشىگە العاشقى مەديتسينالىق كومەك كورسەتىلدى.

سونىمەن قاتار، ت ج ك قۇتقارۋ اۆياتسياسى جوعارى جەدەل ارەكەت ەتۋدى قامتاماسىز ەتەدى. تاسقىنعا ۇشىراعان اۋماقتاردى، سەل قاۋپى بار ۋچاسكەلەردى جانە كولدەردى اەروۆيزۋالدى ارالاۋ جانە تەكسەرۋ جۇرگىزىلدى. تىكۇشاقتار قازسەلدەنقورعاۋ تەحنيكاسى مەن جابدىقتارىن بيىك تاۋلى بەكەتتەر مەن كولدەرگە، اسا قاۋىپتى مۇزدىق كولدەردە ينجەنەرلىك ءىس- شارالاردى وتكىزۋ ايماعىنا جەتكىزدى.

قۇتقارۋ اۆياتسياسىنىڭ تيىمدىلىگى دە ءورت سوندىرۋدە كومەگى زور، جىل باسىنان بەرى تىكۇشاقتار ەلىمىزدىڭ ءتۇرلى وڭىرلەرىندە ءىرى تابيعي جانە باسقا دا ورتتەردى سوندىرۋگە، سونداي- اق حالىقارالىق قۇتقارۋ وپەراتسيالارىنا بىرنەشە رەت تارتىلدى.

قازسەلدەنقورعاۋمەن قار كوشكىن مەن سەلدەردىڭ الدىن الۋ بويىنشا ءىس- شارالار جۇرگىزدى. قىسقى- كوكتەمگى كەزەڭدە الماتى قالاسى، الماتى جانە شىعىس قازاقستان وبلىستارىندا 87 قار كوشكىنىن الدىن الا ءتۇسىرۋ جۇرگىزىلدى، قار ماسساسىنىڭ جالپى كولەمى 250,3 مىڭ تەكشە مەتردى قۇرادى. سونىمەن قاتار، 1899 قار توقتاتاتىن قالقان جاسالىپ، كوشكىن قاۋپى بار ۋچاسكەلەردە 95 اقپاراتتىق جانە ەسكەرتۋ بەلگىسى قويىلدى.

جىلدىڭ باسىنان بەرى اپاتتار مەديتسيناسى ورتالىعىنىڭ بريگادالارى 2,5 مىڭعا جۋىق جولعا شىقتى، 1 مىڭ زارداپ شەككەنگە مەديتسينالىق كومەك كورسەتتى. رەسپۋبليكالىق تراسسالاردىڭ اۆاريالىق ۋچاسكەلەرىندە تاۋلىك بويى ج ك و- دا زارداپ شەككەندەرگە 40 كۇرەجول مەديتسينالىق- قۇتقارۋ پۋنكتى كومەك كورسەتەدى. بيىل وسى بريگادالار، 1,2 مىڭ ادامدى ەۆاكۋاتسيالادى، 2,3 مىڭ زارداپ شەگۋشىگە مەديتسينالىق كومەك كورسەتتى.

كينولوگيالىق بولىمشەلەردى دامىتۋ ماسەلەلەرىنە ەرەكشە كوڭىل بولىنەدى، ولار بارلىق وڭىرلەردە بار. قىزمەتتىك يتتەر اداسقان تۋريستەردى، اڭشىلاردى، باقتاشىلاردى، جوعالعان ادامداردى جانە تەحنوگەندىك ورتادا ت ج كەزىندە زارداپ شەككەندەردى ىزدەۋگە قاتىسادى.

ق ر تۇڭعىش پرەزيدەنتىنىڭ 2018 -جىلعى 5 -قازانداعى «قازاقستاندىقتاردىڭ ءال- اۋقاتىنىڭ ءوسۋى: تابىس پەن ءومىر ءسۇرۋ ساپاسىنىڭ ارتۋى» اتتى جولداۋىن، ۇكىمەتتىڭ 2018 -جىلعى 27 -جەلتوقسانداعى №897-قاۋلىسىمەن بەكىتىلگەن «2019-2021 -جىلدارعا ارنالعان قازاقستان رەسپۋبليكاسىنىڭ ىشكى ىستەر ورگاندارىن جاڭعىرتۋ جونىندەگى جول كارتاسىن» ىسكە اسىرۋ شەڭبەرىندە ازاماتتىق قورعاۋ ورگاندارىن جاڭعىرتۋ جۇرگىزىلدى. ناتيجەسىندە، ت جك ۆەدومستۆولىق باعىنىستى 53 مەملەكەتتىك مەكەمەنىڭ 38 ى قالدى.


قازاقستان رەسپۋبليكاسىنىڭ پرەزيدەنتى ك. توقايەۆتىڭ «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جاڭا جولداۋىندا ازاماتتىق قورعاۋ ورگاندارىندا قىزمەت وتكەرۋ جاعدايلارىن جاقسارتۋ كوزدەلگەن. وسىعان بايلانىستى 2020 -جىلدىڭ 1 -قاڭتارىنان باستاپ ازاماتتىق قورعاۋ ورگاندارى قىزمەتكەرلەرىنىڭ ەڭبەكاقىسىن كوتەرۋ جوسپارلانعان، ولاردىڭ سانى 19 مىڭنان اسادى.

«بۇگىن ءبىز ت ج ك قىزمەتكەرلەرىنە، جانقيارلىق ەڭبەگىمەن، ەلىمىزدىڭ قاۋىپسىزدىگىن نىعايتۋعا ۇلەسىن قوسقانداردىڭ بارلىعىنا قۇرمەت كورسەتەمىز. كۇن سايىن قيىن جاعدايدا تاۋەكەلگە بەل بۋاتىن قۇتقارۋشىلار ازاماتتارىمىزدىڭ ءومىرى مەن مۇلكىن قۇتقارادى. ولاردىڭ كاسىبيلىگى، جەدەلدىگى مەن ەرلىگى قازاقستاندىقتارعا توتەنشە جاعدايلاردا قاۋىپسىز سەزىنۋگە مۇمكىندىك بەرەدى.



ازاماتتىق قورعاۋ قىزمەتىنىڭ قىزمەتكەرلەرىنەن اپاتتارعا قارسى تۇرۋ ءۇشىن ءارقاشان ازىرلىك تالاپ ەتىلەدى. قۇتقارۋشىلار ءتىپتى بەيبىت كۇندەرى دە ادامداردىڭ ءومىرى مەن دەنساۋلىعى ءۇشىن كۇرەسۋدە الدىڭعى قاتاردا بولادى. تەك ەڭ باتىل، قايسار جانە ەرجۇرەك ازاماتتار عانا قۇتقارۋشى قىزمەتىن تاڭدايدى»، دەلىنگەن حابارلامادا.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات