+7 (701) 759 90 19
-8 °С : نۇر-سۇلتان
-2 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

اقمولا وبلىسىندا «اشىق اكىمدىك» ءوتتى

19 قازان 08:51
:ءبولىسۋ
اقمولا وبلىسىندا «اشىق اكىمدىك» ءوتتى

كوكشەتاۋ. قازاقپارات - ايماق باسشىسى ەرمەك مارجىقپايەۆتىڭ باستاماسىمەن اقمولا وبلىستىق اكىمدىگىنىڭ «اشىق ەسىكتەر كۇنى» وتكىزىلدى، دەپ حابارلايدى قازاقپارات ءتىلشىسى.

«كوكشەتاۋ» مادەنيەت سارايىندا ۇيىمداستىرىلعان اشىق اكىمدىكتە قابىلداۋعا كەلگەن ازاماتتار وبلىستىق دەپارتامەنتتەر مەن باسقارمالاردىڭ، كوكشەتاۋ قالاسىنىڭ اكىمدىگى، قۇقىق قورعاۋ ورگاندارى، كوممۋنالدىق قىزمەتتەر، ازاماتتارعا ارنالعان ۇكىمەت كورپوراتسياسى مەن ەكىنشى دەڭگەيلى بانكتەردىڭ باسشىلارىنا عانا ەمەس، ايماق باسشىسىنا تولعاندىرعان سۇراقتارىن قويىپ، جاۋاپ الدى.

شارا مەملەكەت باسشىسى قاسىم-جومارت توقايەۆتىڭ «سىندارلى قوعامدىق ديالوگ - قازاقستاننىڭ تۇراقتىلىعى مەن گۇلدەنۋىنىڭ نەگىزى» اتتى جولداۋىنداعى بيلىك پەن حالىقتىڭ اراسىندا بايلانىستى نىعايتۋداعى مىندەتتەردى جۇزەگە اسىرۋ شەڭبەرىندە قولعا الىنىپ وتىر.

«مەملەكەتتىك ورگانداردىڭ الدىندا حالىقپەن كونسترۋكتيۆتى بايلانىس ورناتىپ، تولعاندىرعان سۇراقتارى مەن ماسەلەلەرىن جىلدام شەشۋ ماقساتىندا «ەستيتىن مەملەكەت» تۇجىرىمداماسىن جۇزەگە اسىرۋ مىندەتى تۇر. بۇگىن قابىلداۋعا كەلگەن ادامنىڭ اربىرەۋى ءوز ساۋالىن ءتيىستى ۆەدومستۆو باسشىلارىنا قويىپ، جاۋابىن الدى»، دەدى ايماق باسشىسى ەرمەك مارجىقپايەۆ.

ماسەلەن، زەرەندى اۋدانى يگىلىك اۋىلىنىڭ تۇرعىنى نۇراحمەت ۋاليەۆ كەنەسارى مەن يگىلىك اۋىلى اراسىنداعى جول ماسەلەسىنە قاتىستى ساۋالىن قويدى.

ونىڭ ايتۋىنشا، اۋىل تۇرعىندارى اۋىل شارۋاشىلىعى ونىمدەرىن وبلىس ورتالىعىنا اكەلۋ كەزىندە جول ازابىن تارتادى ەكەن. وبلىس اكىمى جول ماسەلەسىن شەشۋگە اتسالىساتىنىن ايتتى. وسى اۋدانىنىڭ تاعى ءبىر تۇرعىنى شاعالالى وزەنىنىڭ ۇستىنەن وتەتىن كوپىر قۇرىلىسى جونىندە ساۋال قويدى. بۇل ماسەلەنى ايماق باسشىسى ءوز باقىلاۋىنا الىناتىن ايتىپ، ءتۇسىندىردى.

جالپى، «اشىق اكىمدىك» قابىلداۋىنا 300 دە استام اقمولالىق كەلىپ قاتىستى. تۇرعىنداردىڭ كوبى ايماق باسشىسىنا باسپانامەن قامتۋ، جەر تەلىمىن الۋ، كاسىپكەرلىكتى دامىتۋ، جول جانە اباتتاندىرۋ ماسەلەلەرىنە قاتىستى ساۋالدارىن جولدادى.




اۆتور: اسلان وسپانوۆ


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات