نۇر- سۇلتاندا وتباسىلىق قۇندىلىقتار ينستيتۋتى قۇرىلادى

نۇر-سۇلتان. قازاقپارات - ورتالىق قاراشا ايىنىڭ باس كەزىندە كوپشىلىككە قىزمەت كورسەتە باستايدى، دەپ حابارلايدى «حابار 24».

 ماماندار وتباسىندا قيىندىقتارى بار ەرلى- زايىپتىلاردى تاتۋلاستىرۋعا، ولاردىڭ ءوزارا ءتىل تابىسۋىنا كومەكتەسپەك. نيەت تانىتقاندار پسيحولوگتاردىڭ كومەگىنە تەگىن جۇگىنە الادى. ودان بولەك، ولارعا اقىسىز ترەنينگتەرگە قاتىسۋ مۇمكىندىگى بەرىلەدى.

ماماندار وسىلايشا، وتباسىلىق قۇندىلىقتاردى ساقتاپ قالۋعا، اجىراسىپ جاتقانداردىڭ سانىن ازايتۋعا ۇلەس قوسا الامىز دەيدى.

دانا ءابىلدينا، وتباسىلىق قۇندىلىقتار ينستيتۋتىنىڭ نەگىزىن قالاۋشى:

 - بارلىق قىزمەت تەگىن كورسەتىلەدى. ورتالىقتا ترەنينگتەر، ارنايى دارىستەر وتكىزەمىز. ينستيتۋتقا كەلە المايتىن جاندار ءۇشىن ونلاين ساباقتار قاراستىرىلعان. ايىنا ءبىر رەت قوعام بەلسەندىلەرىمەن جانە جومارت جاندارمەن كەزدەسۋ وتكىزىلەدى. ونداعى ماقسات - تارشىلىق كورىپ وتىرعاندارعا قول ۇشىن سوزۋ.

www.24.kz