+7 (701) 759 90 19
-8 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

ەلوردادا تانىمال عالىم مىرزاتاي جولداسبەكوۆتىڭ كىتاپتارى تانىستىرىلدى

18 قازان 18:30
:ءبولىسۋ
ەلوردادا تانىمال عالىم مىرزاتاي جولداسبەكوۆتىڭ كىتاپتارى تانىستىرىلدى

نۇر- سۇلتان. قازاقپارات - بۇگىن ەلوردادا حالىقارالىق تۇركى اكادەمياسىنىڭ ۇيىمداستىرۋىمەن كورنەكتى مەملەكەت جانە قوعام قايراتكەرى مىرزاتاي جولداسبەكوۆتىڭ «ۇلى دالا ادەبيەتى» جانە «قورقىت اتا كىتابى» اتتى كىتاپتارىنىڭ تانىستىرىلىمى ءوتتى، دەپ حابارلايدى قازاقپارات ءتىلىشىسى.

اتاپ ايتقاندا، اتالعان ەكى باسىلىم تۇركولوگيا سالاسىنا قوسىلعان باعالى ەڭبەكتەر سانالادى. «قورقىت اتا كىتابىنىڭ» مىرزاتاي جولداسبەكوۆتىڭ گۇلىم شادييەۆامەن بىرلەسىپ جاساعان اۋدارماسىندا ايگىلى تاريحي شىعارما درەزدەن نۇسقاسى بويىنشا تۇڭعىش رەت قازاق تىلىنە تولىق اۋدارىلىپ، ترانسكريپتسياسى مەن سوزدىگى قوسا ۇسىنىلىپ وتىر. ال «ۇلى دالا ادەبيەتى» مونوگرافياسىندا كونە تۇركى جازبا ەسكەرتكىشتەرىنە قاتىستى زەرتتەۋلەرمەن قوسا، قازاق اۋىز ادەبيەتىنىڭ ءبىرقاتار مۇرالارى تۋرالى ەڭبەكتەر قامتىلعان.


«وسى ەكى كىتاپ مەنىڭ ءومىر بويى زەرتتەپ جۇرگەن ەڭبەكتەرىم. «ۇلى دالا ادەبيەتى» كىتابىن حالىقتىڭ سىنىنا شىعاردىم، بۇل 60 جىلعى ەڭبەگىم. وتە قۋانىشتىمىن، ءبىر جيناقتالىپ، ءبىر كىتاپتا قامتىلدى. ال ەكىنشى كىتاپقا توقتالسام، گۇلىم شادييەۆا قارىنداسىممەن بىرلەسە بۇرىنعى تۇركى ەسكەرتكىشتەرىن جاڭاشالاۋ تاجىريبەمدى پايدالانىپ، ءتورت جىلدىڭ بەدەرىندە وسى «قورقىت اتا كىتابىن» قازاقشا جاڭاشالاپ شىعاردىم»، - دەدى م. جولداسبەكوۆ.


تانىستىرىلىم بارىسىندا ق ر مەملەكەتتىك حاتشىسى قىرىمبەك كوشەربايەۆ ۇلتىمىزدىڭ رۋحاني قازىناسى تاعى ءبىر تاعىلىمدى ءارى تانىمدى ەڭبەكتەرمەن تولىعىپ وتىرعانىن اتاپ ءوتتى.

«سوندىقتان «ۇلى دالا ادەبيەتى» كىتابى اسىل مۇرامىزدى ۇرپاققا امان- ەسەن جەتكىزۋدە ايانباي تەر توگىپ كەلە جاتقان مىرزاتاي اعامىزدىڭ بەلسەندى ارەكەتىنىڭ جەمىسى ءارى جەڭىسى دەپ باعالايمىز. جالپى، وسى كىتاپتاردى وسكەلەڭ ۇرپاق ءۇشىن باعا جەتپەس رۋحاني بايلىق دەيمىز. وسى ەڭبەكتەر حالىقتىڭ يگىلىگىنە جاراي بەرسىن دەپ تىلەك ايتامىز»، - دەدى ق. كوشەربايەۆ.


ءوز كەزەگىندە ۇكىمەت باسشىسىنىڭ ورىنباسارى بەردىبەك ساپاربايەۆ مادەنيەت، ادەبيەت جانە ونەر، سپورت سالالارى ءاربىر ۇلتتى، مەملەكەتتى تانىتاتىن ماڭىزدى باعىت ەكەنىن اتاپ ءوتتى.


«ءبىزدىڭ عالىمدارىمىز، تاريحشىلارىمىز كوبىرەك زەرتتەپ، وسىنداي ەڭبەكتەردى جاريالاسا، وندا ءبىزدىڭ ۇلتىمىزدىڭ بولاشاعىنا دەگەن سەنىم مىعىم بولادى. مىرزاتاي اعانىڭ كىتاپتارى بولاشاق ۇرپاققا ارنالعان ۇلكەن عىلىمي ەڭبەك. بۇل كىتاپتار ءبىزدىڭ تاريحىمىز تەرەڭدە جاتقانىن ايقىن كورسەتىپ وتىر»، - دەدى ب. ساپاربايەۆ.


سونىمەن قاتار وسى شارا بارىسىندا مادەنيەت جانە سپورت ءمينيسترى اقتوتى رايىمقۇلوۆا پارلامەنت سەناتىنىڭ ءتوراعاسى داريعا نازاربايەۆانىڭ قۇتتىقتاۋ ءسوزىن وقىپ بەردى.


«تاعىلىمى مول تاعدىرىڭىز كوپكە ۇلگى. ەگەمەن ەلىمىزدىڭ سىندارلى ساياساتىن دامىتىپ، بەدەلىن ارتتىرۋعا، تاريحىن تولعاپ، مەملەكەتتىگىن نىعايتۋعا قوسقان ۇلەسىڭىز زور. ادام ءومىرىنىڭ ماعىنالى دا، مازمۇندى تۇستارى دامىلسىز اتقارعان ەڭبەكتىڭ قاستەرلى بەلەستەرى مەن ادامدىق ادالدىعىمەن ولشەنەدى. بۇگىنگى «ۇلى دالا ادەبيەتى» مەن «قورقىت اتا كىتابىنىڭ» جارىققا شىعۋى دا سول بەينەتتى ەڭبەك جولىنداعى جەتىستىكتەرىڭىزدىڭ باعامى. بۇل تۋىندىلارىڭىز تەرەڭ زەردەلەنىپ، بولاشاق ۇرپاققا تارتۋ رەتىندە ۇلكەن ەڭبەكپەن كەلگەن دۇنيە ەكەنىن ۇعىنامىز. وسى جولداعى شىعارماشىلىق شابىتىڭىز سارقىلماسىن»، - دەلىنگەن د. نازاربايەۆانىڭ قۇتتىقتاۋىندا.

اۆتور: رۋسلان عابباسوۆ


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات