+7 (701) 759 90 19
-1 °С : نۇر-سۇلتان
5 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

ماحاببات قالاسىنا اتتانعاندا

19 قازان 08:21
:ءبولىسۋ
ماحاببات قالاسىنا اتتانعاندا

نۇر-سۇلتان. قازاقپارات - ەكى ادام ماحاببات قالاسىنا بىرگە اتتانعاندا، ەكەۋىنىڭ دە ءومىرى جاقسى ارناعا بۇرىلۋى ءتيىس. بىرەۋى باقىتتى بولعانىمەن، ەكىنشىسىنىڭ كوزىنەن شاتتىقتىڭ ءىزى بىلىنبەسە، كەش بولماي تۇرعاندا، بىردەن كەيىن شەگىنىپ، قايتا ورالعانى دۇرىس.

اق بوز اتتى حانزاداعا تۇرمىسقا شىعۋ ءۇشىن ءوزىڭىز جايدارلى دا نازدى حانشايىم بولۋىڭىز كەرەك ەكەنىن ەستەن شىعارماڭىز. ومىرلىك كوزقاراستارىڭىز، ۇستانىمدارىڭىز ۇيلەسۋى ءتيىس. ءوزىڭىزدى ونىڭ جانىندا جايلى دا ىڭعايلى سەزىنۋ ءۇشىن الەۋمەتتىك دارەجەڭىز تەڭ بولعانى ءجون.

قىزعانىشتان قاشىڭىز. قىزعانىشتى قاۋلاتامىن دەپ، ورتىنە ءوزىڭىز كۇيىپ قالۋىڭىز بەك مۇمكىن. ويىننان وت شىققاندا، قوس عاشىقتىڭ ءبىرى كۇيەدى. ورىنسىز قىزعانباڭىز، قىزعاندىرماڭىز. ماحاببات ساۋ دا سالاماتتى بولۋى سۇيگەن جۇرەكتىڭ ەكەۋىنە تەڭ دارەجەدە بايلانىستى بولماق. سەزىم گۇلىنە قوس تاراپتان دا سۋ قۇيىلماسا، سولىپ قالادى.

قىزدار ءوزىنىڭ سۇيىكتىسى جىن ۇرعان كۇيگەلەك ەمەس، ەشكىمنىڭ قولى جەتپەيتىن حانزادا بولعانىن قالايدى. جىگىتتەر دە سۇيگەن سۇلۋى قاي كەزدە جارىلاتىنى بەيمالىم بومبا ەمەس، سابىرلى بولعانىن ۇناتادى. جانىنداعى ادامى بابى تاپتىرمايتىن، وزىنە نە كەرەگىن ءوزى بىلمەيتىن جان بولسا، جۇيكە جۇقارىپ، ۇرىس- كەرىس كوبەيىپ، سەزىم سولىپ قالادى.

ەكى جاس كۇندەلىكتى ءبىر- ءبىرىن سوزبەن شاعىپ نەمەسە ناعىز جىندىحانا ادامدارىنداي ەسۋاس قىلىقتار كورسەتىپ، اقىماقتارشا ارالاسۋعا ەتى ۇيرەنىپ كەتسە، قالىپتى كۇيگە قايتا ءتۇسۋى وڭاي بولمايدى.

تەز ورشىگەن سەزىم تەز وشەدى. ماڭگىلىك ماحابباتتىڭ شىڭىنا شىعۋ ءۇشىن قوس جۇرەك تە ماحاببات ۇعىمىن جەتە ءتۇسىنىپ، سەزىنۋى ءتيىس. ءسىز اشۋ شاقىرىپ، بۇلقان- تالقان بوپ جاتقاندا، جۇبىڭىز ءۇنسىز وتىرسا، ول ساڭىراۋ، مىلقاۋ، جۇرەكسىز ەمەس، بارلىعىنا توزە بىلەتىن، ءوزىن- ءوزى ۇستاي بىلەتىن قاسيەتى دەپ ۇعىنىڭىز.

ءومىرىڭىزدىڭ مانىنە اينالعان كىسىنى وزگەرتۋگە ۇمتىلماڭىز. ءسىز قولدان جاساپ شىعارعان «جاڭا ادام» وزىمەن بىگە تالعامى دا وزگەرىپ، ءسىزدىڭ جانىڭىزدا قالعىسى كەلمەۋى مۇمكىن. ەگەر ول كەي ارەكەتتەرىن ادەيى ىستەيتىندەي كورىنىپ، جيرەنە باستاساڭىز، باسىڭىزعا جاقسى وي كەلگەنشە كۇتىڭىز.

شىنايى سەزىمدەردەن تۋعان ماحاببات - تەورەما ەمەس، اكسيوما. ونى دالەلدەۋدىڭ قاجەتى جوق. كۇن سايىن وزدىگىنەن دالەلدەنەتىن دايەكتەردى كورە بىلەتىن، سەزىنە بىلەتىن جۇرەكتەر عانا كەرەك. ماحابباتتى ساتىپ الۋعا بولمايدى. بۇل قادامعا بارعان ەكەنسىز، ساۋدالاسپاڭىز. ءبارىبىر ءسىزدىڭ ۇپايىڭىزعا شەشىلمەيدى. ساۋدادا مىندەتتى تۇردە قۇلدىراۋ بولادى. شىعىن بولعان سەزىمدەرىڭىزدىڭ قايتارىمىن سۇراماڭىز.

Massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات