+7 (701) 759 90 19
-13 °С : نۇر-سۇلتان
-10 °С : الماتى
USD 385.01 EUR 425.78
RUB 6.05 CNY 54.68
جاڭالىقتار

ەلتاڭبامىزدا شاڭىراقتىڭ سۋرەتى بەكەر تۇرعان جوق - دۋلات ءابىلدين

18 قازان 15:30
:ءبولىسۋ

نۇر- سۇلتان، قازاقپارات - «وزىنە قول جۇمساماق بولعان ادامدى قۇتقارىپ قالدىق. سول كەزدە وتباسىلىق قۇندىلىقتار ينستيتۋتىن قۇراتىن كەز كەلگەنىن تۇسىندىك».

ەلوردادا وتكەن وتباسى قۇندىلىقتارى تۋرالى كوۋچ- سەسسيادا ءسوز سويلەگەن دۋلات ءابىلدين وسىلاي دەيدى، دەپ حابارلايدى قازاقپارات ءتىلشىسى.

«وسى شارا وتكەن سوڭ 2 - قاراشا كۇنى Danalyq وتباسىلىق قۇندىلىقتار ينستيتۋتىنىڭ اشىلۋ ءراسىمى بولادى. ودان كەيىن قاي مەكتەپتەردە، قانداي ءدارىس، قاي ۋاقىتتا بولاتىنى انىقتالادى. ال بۇگىنگى شارادا الداعى ۋاقىتتا قالاي جۇمىس ىستەيتىنىمىز تۋرالى باعىت- باعدارىمىزدى انىقتاپ الامىز» ، - دەيدى اتالعان ينستيتۋتتىڭ نەگىزىن قالاۋشى دۋلات ءابىلدين.

ول وتباسى قۇندىلىقتارى ينستيتۋتىن اشۋ تۋرالى يدەيا قايدان كەلگەنى تۋرالى اڭگىمەلەدى.

«ءبىز 2 جىل بويى ويلانىپ- تولعانىپ، وسىنداي ينستيتۋت اشۋ تۋرالى شەشىمگە كەلدىك. شامامەن ءبىر اي بۇرىن ءبىز تانيتىن بىرنەشە وتباسىندا قايعىلى جاعداي بولدى. ءبىرىنشى وتباسىندا ەرلى- زايىپتىلار ۇرسىپ قالىپ، ايەلى وزىنە قول جۇمسادى. ناتيجەسىندە كىشكەنتاي بالالار اناسىز قالدى. ەكىنشى وتباسىندا بالالار وزىنە قول جۇمسادى. نەگە ولاي بولعانىن تۇسىنبەي قالدىق، سەبەبى ول وتباسى الەۋمەتتىك جاعدايى جاقسى، جەتىستىككە جەتكەن وتباسى ەدى. ءۇشىنشى اۋلەتتە ايەل وزىنە قول جۇمساماق بولىپ، اللانىڭ قالاۋىمەن مەن قۇتقارىپ قالدىم. وسى كەزدە «2 جىل بويى ويدا جۇرگەن يدەيانى بۇگىن جۇزەگە اسىرماساق، قاشان اسىرامىز؟ « دەگەن وي كەلدى. ءسويتىپ ءارتۇرلى سالاداعى مامانداردىڭ باسىن بىرىكتىرىپ، وسى ماسەلەنى شەشۋ تۋرالى توقتامعا كەلدىك» ، - دەيدى كوپبالالى اكە.

شاراعا ءارتۇرلى سالا ساراپشىلارى، قوعامدىق ۇيىمداردىڭ ءتوراعالارى مەن مۇشەلەرى قاتىسۋدا.

«بۇگىنگى تاڭدا ينستيتۋتىمىزدا پەداگوگ، پسيحولوگ جانە باسقا دا 30 تاجىريبەلى مامان بار. ولار پسيحولوگيالىق كومەك كەرەك وتباسىلارعا تەگىن قىزمەت كورسەتىپ وتىر. 2017 -جىلعى ستاتيستيكا بويىنشا، وتباسىن قۇرعان ءۇش وتباسىنىڭ ءبىرى اجىراسىپ كەتەدى. بۇل - 10 جىل ىشىندە دۇنيەگە كەلۋى مۇمكىن 1 ميلليون بالانىڭ دۇنيەگە كەلمەگەنىن بىلدىرەدى. بۇل - ءبىر عانا ماسەلە. ودان باسقا وتباسىلىق ماسەلەلەر جەتەرلىك. وتباسى مىقتى بولسا - ۇلت تا مىقتى بولادى، ال ۇلت مىقتى بولسا - ەكونوميكامىز دا مىقتى بولادى. ەلتاڭبامىزدا شاڭىراقتىڭ سۋرەتى بەكەر تۇرعان جوق» ، - دەيدى ول.

كوۋچ- سەسسيادا Danalyq وتباسىلىق قۇندىلىقتار ينستيتۋتىنىڭ ناقتى كەيس- مىسالدارى ارقىلى ينستيتۋتتى دامىتۋدىڭ ستراتەگيالىق ماسەلەلەرى تالقىلاندى.

ەسكە سالا كەتسەك، بۇعان دەيىن اتالعان كوۋچ- سەسسيادا ەلىمىزدىڭ وتباسى قۇندىلىقتارىن دامىتاتىن ينستيتۋتتارعا مۇقتاج ەكەنى جانە مەملەكەتتىك ورگاندار مەن قوعام اراسىنداعى بايلانىستى نىعايتۋ كەرەكتىگى ايتىلعان بولاتىن.

اۆتور: زارينا قاھارمان


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات