+7 (701) 759 90 19
-12 °С : نۇر-سۇلتان
-4 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

قازاقستانداعى ەڭ قىمبات كومىر قايدا ساتىلادى

18 قازان 12:55
:ءبولىسۋ
قازاقستانداعى ەڭ قىمبات كومىر قايدا ساتىلادى

نۇر-سۇلتان. قازاقپارات - دەلدالدار كومىر باعاسىن ءۇش، ءتىپتى ءتورت ەسە كوبەيتىپ جاتىر، دەپ حابارلايدى قازاقپارات ءتىلشىسى energyprom.kz اقپارات كوزىنە سىلتەمە جاساپ.

«دەلدالدار جىلۋ ماۋسىمى باستالماي جاتىپ ىسكە كىرىستى: ولاردىڭ ىقپال ەتۋىمەن كومىر باعاسى 3, كەيدە ءتىپتى 4 ەسە، تونناسىنا 3,5- 5,5 مىڭنان 14- 22 مىڭ تەڭگەگە دەيىن كوتەرىلىپ بارادى»، - دەلىنگەن حابارلامادا.

قازاقستاندا قازان ايىندا جىلۋ ماۋسىمى باستالادى. ورتالىق جىلۋ جۇيەسىنە قوسىلعان قالالارداعى تۇرعىن ۇيلەردە تاريف 14 پايىزعا تومەندەپ، 1 گكال ءۇشىن 3440 تەڭگەنى قۇراعان. ال ايماقتاردا ۇيلەردى جىلىتۋ كومىر مەن وتىنعا، نەمەسە تابيعي گاز تاسىمالدايتىن تاراتۋ جەلىلەرىنە تاۋەلدى.

1 توننا كومىردىڭ رەسپۋبليكالىق دەڭگەيدە ورتاشا باعاسى 12,4 مىڭ تەڭگەنى قۇراپ وتىر. بۇل باعا وتكەن جىلدىڭ قىركۇيەگىمەن سالىستىرعاندا 3,8 پايىزعا عانا ارزان. وتىننىڭ ءبىر تەكشە مەترى 8,9 پايىزعا - 6,5 مىڭ تەڭگەگە دەيىن قىمباتتاعان. تابيعي گازعا قول جەتىمدى ايماقتار ءۇشىن گازدىڭ باعاسى 1 تەكشە مەتر ءۇشىن 1,1 پايىزعا - 18,7 تەڭگەگە دەيىن تومەندەدى.

«كومىر باعاسىن بەلگىلەۋ ءالى دە دەلدالداردىڭ قولىندا تۇر. دەلدالداردىڭ ءوزىن دەلدالدىق قۇرىلىمدار رەتتەيتىندەي ساۋدا بيرجاعا اۋىسسا دا، بۇل وزگەرىس كومەكتەسەتىن ەمەس. سونىمەن، ءوندىرۋشى كومپانيالار باستاپقىدا كومىردىڭ تونناسىن 3,5- 5,5 مىڭ تەڭگەگە ساتسا، بۇل باعا بۇكىل دەلدالدار تىزبەگىنەن ءوتىپ بارىپ، تۇپكىلىكتى تۇتىنۋشى ءۇشىن 14-22 مىڭ تەڭگە ارالىعىندا ساتىلادى»، - دەپ تولىقتىرادى energyprom.kz.

ق ر ۇ ە م باسەكەلەستىكتى قورعاۋ جانە دامىتۋ كوميتەتىنىڭ ءتوراعاسى رۇستەم احمەتوۆتىڭ ايتۋىنشا، كومىر وندىرۋشىلەر مەن ولارعا ەنشىلەس دەلدال كومپانيالاردىڭ كەلىسىپ الۋ جاعدايى دا انىقتالعان. ياعني، تاۋار بيرجاسىندا 566 مىڭ توننا كومىر بار بولعانى 6 تاسىمالداۋشىعا ءبولىنىپ بەرىلگەن.

ستاتيستيكا كوميتەتىنىڭ مالىمەتىنە سەنسەك، كومىردىڭ ەڭ جوعارى باعاسى ورالدا ء(بىر توننا ءۇشىن 18,5 مىڭ تەڭگە) ، قىزىلوردادا (14,1 مىڭ تەڭگە) جانە الماتىدا (14 مىڭ تەڭگە) بايقالعان. وتىننىڭ ەڭ جوعارى باعاسى نۇر-سۇلتاندا: 1 تەكشە مەترگە 12,7 مىڭ تەڭگە. سونداي- اق، ەلوردادا كومىر باعاسى تونناسىنا 12,3 مىڭ تەڭگەنى قۇراپ وتىر.

اۆتور: ايان بەكەن ۇلى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات