+7 (701) 759 90 19
-21 °С : نۇر-سۇلتان
11 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

ۇلى بريتانيانىڭ ەۋروپالىق وداقتان شىعۋ كەلىسىمى قابىلداندى

18 قازان 10:05
:ءبولىسۋ
ۇلى بريتانيانىڭ ەۋروپالىق وداقتان شىعۋ كەلىسىمى قابىلداندى

بريۋسسەل. قازاقپارات - بەيسەنبى كۇنى بريۋسسەلدە وتكەن سامميتتە ەۋروپالىق وداققا مۇشە 27 مەملەكەتتىڭ كوشباسشىلارى ۇلى بريتانيانى ەۋروپالىق وداقتان شىعارۋ جونىندەگى كەلىسىمدى قابىلدادى.

كەلىسىمگە وسىدان بىرنەشە ساعات بۇرىن قول جەتكىزىلگەن بولاتىن، دەپ حابارلايدى «قازاقپارات» ح ا ا مەنشىكتى ءتىلشىسى.

«ەۋروپالىق كەڭەس ۇلى بريتانيا جانە سولتۇستىك يرلانديا بىرىككەن كورولدىگىنىڭ ەۋروپالىق وداقتان جانە اتوم ەنەرگياسى جونىندەگى ەۋروپالىق قوعامداستىقتان شىعۋ تۋرالى كەلىسىمدى قابىلدايدى»، - دەلىنگەن ەۋروپالىق وداقتىڭ 17-18-قازان كۇندەرى بريۋسسەلدە ءوتىپ جاتقان سامميتىنىڭ مالىمدەمەسىندە.

بۇل رەتتە، مەملەكەتتەر كوشباسشىلارى «ەۋروكوميسسياعا، ەۋروپالىق پارلامەنتكە جانە ەۋروپالىق وداق كەڭەسىنە رەت- رەتىمەن شىعۋدى قامتاماسىز ەتۋ ءۇشىن كەلىسىمنىڭ 2019 -جىلدىڭ 1-قاراشاسىنان باستاپ كۇشىنە ەنۋىنە قاجەتتى شارالار قابىلداۋدى ۇسىندى».

ەندى كەلىسىم ەۋروپالىق جانە بريتاندىق پارلامەنتتىڭ ماقۇلداۋىنان وتەدى.

ۇلى بريتانيانىڭ زاڭ شىعارۋشىلارى وتىرىسقا سەنبى كۇنى جينالاتىن بولادى.

سونداي-اق ۇلى بريتانيانىڭ ە و-دان شىعۋى 21-25 -قازان كۇندەرى ستراسبۋرگتە وتەتىن ەۋروپالىق پارلامەنتتىڭ پلەنارلىق وتىرىسىندا داۋىس بەرۋگە شىعارىلۋى مۇمكىن.

اۆتور: ميرا تولەندى قىزى


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات