+7 (701) 759 90 19
-24 °С : نۇر-سۇلتان
-2 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

جەمقورلىق تاقىرىبىنداعى كىتاپتاردىڭ اۆتورى جاستارمەن كەزدەستى

18 قازان 09:15
:ءبولىسۋ
جەمقورلىق تاقىرىبىنداعى كىتاپتاردىڭ اۆتورى جاستارمەن كەزدەستى

كوكشەتاۋ. قازاقپارات - جەمقورلىققا قارسى كوركەم شىعارماشىلىق باعىتتاعى ءبىرقاتار كىتاپتىڭ اۆتورى جان اقجانوۆ كوكشەتاۋدىڭ ستۋدەنت جاستارىمەن كەزدەستى، دەپ حابارلايدى قازاقپارات ءتىلشىسى.

«اقمولا - ادالدىق الاڭى» جوبالىق كەڭسەسىنىڭ باسشىسى ساميرا تايتەنوۆانىڭ ايتۋىنشا، جان اقجان «سلادكي دوجد»، «سولنسە ۋلىبنەتسيا تەبە»، «سەنىڭ تۇنگى كۇنىڭ»، «پۋت ۆراچا»، سونداي-اق «ستەپ ي سۋدبا» سياقتى ءبىرقاتار كىتاپتىڭ اۆتورى. ستۋدەنتتەرمەن وتكەن كەزدەسۋدە اۆتور جاستاردى كىتاپ وقۋعا جانە ادەبيەتىمىز بەن مادەنيەتىمىزدى ۇمىتپاۋعا شاقىردى.

«ءبىز باتىسقا ەلىكتەۋدە بەلگىلى ءبىر يدەولوگيانى ۇستانۋىمىز قاجەت، مادەنيەتىمىزدى، كوركەم ادەبيەتىمىزدى ۇمىتپاۋعا ءتيىسپىز. وسىنى تۇسىنسەك داعدارىس پەن وزگەرىس زامانىندا نىق تۇرىپ، العان باعىتىمىزدا ءارى قاراي دامۋعا مۇمكىندىك بەرەدى جانە ءبىزدى جاھاندىق الەمنىڭ كەڭ جولىنا الىپ شىعادى»، - دەدى جان اقجانوۆ.

جازۋشىنىڭ شىعارمالارىندا الەۋمەتتىك باعىت، ءار ازاماتتىڭ باسىنان وتەتىن ومىرلىك جاعدايلار تەرەڭ قوزعالعان.

ق ر سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنىڭ باسشىسى مۇرات تولەۋبايەۆ بۇگىنگى كۇنى ەلىمىزدىڭ كەلەشەگى - جاستارعا جاسالىپ وتىرعان مۇمكىندىكتەرگە توقتالا كەلە، پاراساتتىلىق، ەڭبەكسۇيگىشتىك، ادالدىق پەن ادىلدىك سياقتى مورالدىق-ەتيكالىق قۇندىلىقتار تۋرالى ايتىپ ءوتتى.

«ەلىمىزدە جاس ۇرپاقتىڭ جان-جاقتى دامۋىنا بارلىق جاعداي جاسالعان. جەتىستىككە جەتۋ ءۇشىن ءوز ماقساتىنا تالپىنۋ، ەڭبەكتەنۋ كەرەك. سونداي-اق، وقۋ ورىندارىندا الاتىن ءبىلىمدى بويعا ءسىڭىرىپ قانا قويماي، ءوزىن- ءوزى دامىتۋمەن اينالىسۋ قاجەت. پاراساتتى ادام كەز كەلگەن قيىندىقتى جەڭىپ، بارلىق جوقشىلىقتان ءوتىپ، قويعان ماقساتىنا جەتەدى. ءوز ءبىلىمى مەن لاۋازىمى ارقاسىندا عانا ەمەس، ادال، اق نيەتتى، ءادىل ادام رەتىندە دە قۇرمەتكە يە بولا الادى. كۇش- قۋات، شىدامدىلىق پەن ەڭبەك - ءارقايسىمىزدى جەتىستىككە جەتكىزەدى»، - دەدى مۇرات تولەۋبايەۆ.

جازۋشىنىڭ شىعارمالارىندا كوتەرىلەتىن ماسەلەلەر جاستاردىڭ شىنايى قىزىعۋشىلىقتارىن تۋعىزدى. كەزدەسۋ قوناعى ستۋدەنتتەرمەن اشىق ديالوگ ورناتىپ، ءوز بويىنداعى جوعارى مورالدىق-ەتيكالىق قاسيەتتەردى تاربيەلەۋ بارىسىنداعى ويلارىمەن جانە تاجىريبەسىمەن ءبولىستى.

ج. اقجانوۆ جاستارعا ءوزىنىڭ قولتاڭباسى قويىلعان كىتاپتارىن تارتۋ ەتتى.


اۆتور: اسلان وسپانوۆ


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات