تومەن بايىتىلعان ۋراننىڭ العاشقى پارتياسى قازاقستانعا جەتكىزىلدى

وسكەمەن. قازاقپارات - اتوم ەنەرگياسى جونىندەگى حالىقارالىق اگەنتتىكتىڭ (ا ە ح ا) وسكەمەن قالاسىندا ورنالاسقان تومەن بايىتىلعان ۋران بانكىنە ماتەريالدىڭ العاشقى پارتياسى ساقتاۋ ءۇشىن جەتكىزىلدى.
بۇل تۋرالى ق ر سىرتقى ىستەر مينيسترلىگىنەن ءمالىم ەتتى، دەپ حابارلايدى قازاقپارات.
ا ە ح ا- نىڭ ت ب ۋ بانكىندە 90 مەتريكالىق توننا ۋران گەكسافتوريدى ساقتالادى. ول اتوم ەلەكتر ستانسالارىندا ستاندارتتى جەڭىل سۋ رەاكتورى ءۇشىن وتىن وندىرۋگە جارامدى. ماتەريالداردى جەتكىزۋشىلەر - قازاقستاندىق «قازاتومونەركاسىپ» ۇ ا ك» ا ق جانە فرانسۋزدىق «ورانو-سيكل» كومپانياسى.
«ت ب ۋ-دىڭ بۇل قورى راديواكتيۆتى قالدىق ەمەس. حالىققا جانە قورشاعان ورتاعا ءقاۋىپ توندىرمەيدى. جانە ول اەحا- عا مۇشە مەملەكەتتەر ساياسي سەبەپتەرگە بايلانىستى وتىننىڭ ءداستۇرلى جەتكىزىلىمىنىڭ توقتاۋىمەن بەتپە- بەت كەلگەن جاعدايلار ءۇشىن قاراستىرىلعان»، - دەلىنگەن ءسىم اقپاراتىندا.
سىرتقى ساياسي ۆەدومستۆودان اتاپ وتكەندەي، ماتەريالدى قاۋىپسىز ساقتاۋ ءۇشىن ءۇلبى مەتاللۋرگيالىق زاۋىتىندا قاجەتتى ينفراقۇرىلىم قۇرىلعان.
ايتا كەتەيىك، ا ە ح ا- نىڭ قازاقستاندا تومەن بايىتىلعان ۋران بانكىن قۇرۋ جونىندەگى حالىقارالىق جوباسى ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ باستاماسىمەن ءساتتى جۇزەگە اسىرىلىپ وتىر.
- وڭتۇستىك كورەيا تۇرعىنى قازاق-كورەي سوزدىگىن قۇراستىرىپ شىعارماق
- COVID-19 ۆيرۋسىنان ەكى ميلليون ادام قايتىس بولدى: ب ۇ ۇ باسشىسى مالىمدەمە جاسادى
- د د ۇ شەكارادان وتكەن كەزدە COVID-19 ۆاكتسيناتسياسىن تالاپ ەتۋ مىندەتتى ەمەس دەپ سانايدى
- قىتايدا كوروناۆيرۋستىڭ ورشۋىنە بايلانىستى اۋرۋحانا-يزولياتور سالىنا باستادى
-
رەسەيدە كوروناۆيرۋس جۇقتىرعاندار سانى 3,5 ميلليوننان استى
-
زەرتتەۋشىلەر: 2021-جىل جىلدام وتەدى

