+7 (701) 759 90 19
-23 °С : نۇر-سۇلتان
5 °С : الماتى
USD 387.16 EUR 428.47
RUB 6.08 CNY 55.13
جاڭالىقتار

قازاقستاندىقتار جۇكتى جاس ءوسپىرىمدى كورسەتكەن باعدارلامانى جابۋدى تالاپ ەتتى

18 قازان 07:20
:ءبولىسۋ
قازاقستاندىقتار جۇكتى جاس ءوسپىرىمدى كورسەتكەن باعدارلامانى جابۋدى تالاپ ەتتى

نۇر-سۇلتان. قازاقپارات – ق ر اقپارات جانە قوعامدىق دامۋ ءمينيسترى داۋرەن ابايەۆ قازاقستاندىق ب ا ق-تاعى جاعىمسىز باعدارلامالار مەن اقپاراتتار تۋرالى ايتتى، دەپ حابارلايدى قازاقپارات.

«قازاقستانداعى بۇقارالىق اقپارات قۇرالدارىنىڭ %90 جەكە مەنشىكتە جانە مەملەكەت ولاردىڭ قىزمەتى مەن رەداكسيالىق ساياساتىنا ارالاسا المايدى. ءبىز جالپى اقپاراتتىق كۇن ءتارتىبىن قارايمىز جانە نەگاتيۆتىڭ كوپ ەمەستىگىن بايقاپ وتىرمىز. ءبىراق، حالىق ەڭ الدىمەن، جاعىمسىز، كەلەڭسىز جاڭالىقتارعا نازار اۋدارادى»، - دەدى مينيستر «حابار» تەلەارناسىنداعى «اشىق ديالوگ» باعدارلاماسىندا.

وسىعان بايلانىستى مينيستر ناقتى مىسالدار كەلتىردى.

«ماسەلەن، ءبىر اۋىلدا ەڭ زاماناۋي مەكتەپ تۇرعىزىلسا، كومپيۋتەرلەر قويىلسا، بۇل جاڭالىقتى سول اۋىلدان شىققان نەمەسە قانداي دا ءبىر قاتىسى بار ادامدار عانا وقيدى. ءبىراق، ءدال سول اۋىلدا ءبىر ادام ەكىنشى ادامدى پىشاقتاسا، ەكەۋى ەكى ءتۇرلى ۇلتتان بولسا، مۇنى جۇزدەگەن ادام جاپا-تارماعاي وقيتىن ەدى»، - دەپ ءتۇسىندىردى داۋرەن ابايەۆ.

ونىڭ ايتۋىنشا، بۇل - قازاقستاندا عانا ەمەس، الەمدە بولىپ جاتقان ءۇردىس.

«بۇكىل الەمدە ادامدار ەڭ الدىمەن، نەگاتيۆتى جاڭالىققا كوڭىل بولەدى. حالىقتىڭ وپتيميزمى ماسەلەسى دەپۋتاتتاردى عانا ەمەس، بارلىعىن الاڭداتىپ وتىر. دەگەنمەن، الەۋمەتتىك پەسسيميزم ءۇشىن بار كىنانى جۋرناليستەرگە ارتىپ قويۋ جاراماس. بىزگە ءتۇرلى باعدارلامانى جابۋ تۋرالى، كەي تاقىرىپتاردا ماتەريالدار شىعارماۋ تۋرالى حاتتار مەن وتىنىشتەر كەلەدى. جاقىندا عانا رەسپۋبليكالىق تەلەارنالاردىڭ بىرىندە جاس ءوسپىرىم قىز تۋرالى حابار ءتۇسىرىلدى. ول قىز 15 جاسىندا جۇكتى بولىپ قالعان. ءدال وسى شىعارىلىمنان كەيىن كورەرمەندەر مۇنداي وقيعالار كورسەتىلەتىن باعدارلامانى جابۋدى تالاپ ەتتى. بۇل جاعدايدا مەنى ءبىر-اق نارسە تاڭعالدىرىپ وتىر. وقيعانىڭ ءوزى ەمەس، ونىڭ ەفيردەن كورسەتىلگەنى حالىقتىڭ اشۋىن تۋدىردى. ب ا ق - قوعامىمىزدىڭ ايناسى جانە كوپ جاعدايدا ونى سىندىرا سالعان وڭاي»، - دەدى داۋرەن ابايەۆ.

اۆتور: ايجان سەرىكجان قىزى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات