+7 (701) 759 90 19
-3 °С : نۇر-سۇلتان
-2 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

قاسىم- جومارت توقايەۆ چەحيا دەپۋتاتتار پالاتاسىنىڭ توراعاسىمەن كەزدەستى

17 قازان 18:50
:ءبولىسۋ
قاسىم- جومارت توقايەۆ چەحيا دەپۋتاتتار پالاتاسىنىڭ توراعاسىمەن كەزدەستى

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ چەح رەسپۋبليكاسى دەپۋتاتتار پالاتاسىنىڭ ءتوراعاسى رادەك ۆوندراچەكپەن كەزدەستى، دەپ حابارلايدى اقوردا.

مەملەكەت باسشىسى قازاقستانعا رەسمي ساپارمەن كەلگەن چەح رەسپۋبليكاسى دەپۋتاتتار پالاتاسىنىڭ ءتوراعاسى رادەك ۆوندارچەكپەن كەزدەستى.

تاراپتار قازاقستان مەن چەحيا اراسىنداعى قاتىناستاردىڭ قازىرگى احۋالى مەن پەرسپەكتيۆالارىن، اتاپ ايتقاندا، قازاقستان - ەۋروپالىق وداق، ورتالىق ازيا - ەۋروپالىق وداق جانە ورتالىق ازيا - ۆىشەگراد تورتتىگى (چەحيا، پولشا، ۆەنگريا جانە سلوۆاكيا) سياقتى كوپجاقتى فورماتتاعى ىقپالداستىق ماسەلەلەرىن تالقىلادى.

مەملەكەت باسشىسى رادەك ۆوندارچەكتى بارقىت توڭكەرىسىنىڭ 30 جىلدىعىمەن، چەحيانىڭ ناتو- عا كىرۋىنىڭ 20 جىلدىعىمەن جانە الداعى رەسپۋبليكا كۇنىمەن قۇتتىقتادى. سونداي- اق پرەزيدەنت قازاقستاننىڭ ەۋروپالىق وداقتاعى ماڭىزدى ساياسي ءارى ەكونوميكالىق سەرىكتەسى سانالاتىن چەحيامەن اراداعى بايلانىستاردى ودان ءارى دامىتا بەرەتىنىمىزدى اتاپ ءوتتى.

- ءسىزدىڭ بۇل ساپارىڭىز ەكى ەل پارلامەنتتەرى اراسىنداعى ءوزارا ءىس- قيمىلداردى نىعايتۋ تۇرعىسىنان عانا ەمەس، سونداي- اق، ەكىجاقتى ىنتىماقتاستىققا تىڭ سەرپىن بەرۋ ماقساتىندا دا وتە ماڭىزدى، - دەدى مەملەكەت باسشىسى.

ءوز كەزەگىندە چەح ساياساتكەرى قوناقجايلىق كورسەتىپ، جىلى قابىلداعانى ءۇشىن مەملەكەت باسشىسىنا العىس ءبىلدىرىپ، ەلىمىزدە جۇزەگە اسىرىلىپ جاتقان رەفورمالاردى جوعارى باعالادى.

- چەح رەسپۋبليكاسىنىڭ وكىلى رەتىندە ەكى ەل اراسىنداعى ىنتىماقتاستىقتىڭ دوستىق جانە ءداستۇرلى رۋحتا ءوربىپ، وتە تىعىز ءارى تەرەڭ قارىم- قاتىناستىڭ قالىپتاسقانىن راستاۋعا مۇمكىندىك تۋعانىنا قۋانىشتىمىن، - دەدى رادەك ۆوندارچەك.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات